ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
<p>ଭୁବନେଶ୍ୱର(ଓଡିଶା ରିପୋର୍ଟର): ବମିଖାଲ ଓଭରବ୍ରିଜରେ ପୁଣି ଘଟିଛି ଅଘଟଣ। ଗୁରୁବାର ରାତିରେ ବ୍ରିଜର ଏକ ଲୁହା ରେଲିଂ ଖସି ପଡିବାରୁ ଏହା ତଳେ ଚାପି ହୋଇ ରହିଥିଲେ ୨ ଶ୍ରମିକ। ଏହି ଅଘଟଣ ପରେ ଘଟଣାସ୍ଥଳରେ ଉତ୍ତେଜନା ଦେଖା ଦେଇଥିଲା। ସ୍ଥାନୀୟ ଲୋକେ ଅଗ୍ନିଶମ ବିଭାଗକୁ ଅପେକ୍ଷା ନ କରି ଉଦ୍ଧାର କାର୍ଯ୍ୟରେ ଲାଗି ରହିଥିଲେ। ପ୍ରାୟ ୫ ଜଣ ଶ୍ରମିକ ଘଟଣାସ୍ଥଳରେ ଲୁହା ପାଇପ୍‌ ଲାଗାଇବା କାର୍ଯ୍ୟରେ ନିୟୋଜିତ ଥିବା ବେଳେ ଏହା ହଠାତ୍‌ ଖସି ପଡିଥିଲା। ଫଳରେ ଶ୍ରମିକ ଦ୍ୱୟ ଚାପି ହୋଇ ଯାଇଥିଲେ। ବିଳମ୍ବରେ ହେଲେ ମଧ୍ୟ ଅଗ୍ନିଶମ କର୍ମଚାରୀ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ କରିଥିଲେ। ସ୍ଥାନୀୟ ଲୋକେ ଏଭଳି ପରିସ୍ଥିତିରେ ଉତ୍ୟକ୍ତ ହୋଇ ପଡିଥିବା ଦେଖିବାକୁ ମିଳିଥିଲା।</p> <p><a href="">(image) </a></p> <p>ସୂଚନାଯୋଗ୍ୟ, ଗତ ସେପ୍‌ଟେମ୍ୱର ୧୦ ତାରିଖରେ ରାଜଧାନୀ ଭୁବନେଶ୍ୱରର ମଧ୍ୟବର୍ତ୍ତି ସ୍ଥାନରେ ଥିବା ବମିଖାଲର ନିର୍ମାଣାଧୀନ ଓଭରବ୍ରିଜ ଭୁଶୁଡି ପଡିଥିଲା। ଏହି ଘଟଣାରେ ଝାରପଡ଼ାର ସତ୍ୟ ପଟ୍ଟନାୟକ ନାମକ ଜଣେ ବ୍ୟକ୍ତିଙ୍କ ମୃତ୍ୟୁ ଘଟିଥିବା ବେଳେ ତାଙ୍କ ଝିଅ ସହ ଅନ୍ୟ ୧୪ ଜଣ ଆହତ ହୋଇଥିଲେ। ପଣ୍ଡା ଇନ୍‌ଫ୍ରା ପ୍ରକ୍ଷରୁ ଏହାର ନିର୍ମାଣ କାର୍ଯ୍ୟ ଚାଲିଥିବା ବେଳେ ବ୍ରିଜ୍‌ ନିର୍ମାଣ ଶେଷ ହେବାକୁ ନେଇ ପ୍ରଶ୍ନବାଚୀ ସୃଷ୍ଟି ହୋଇଥିଲା।</p> <p>ଏଣେ ମୃତକଙ୍କ ପରିବାରକୁ ୫ ଲକ୍ଷ ଟଙ୍କାର କ୍ଷତିପୂରଣ ଘୋଷଣା କରିଥିଲେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ। ଏହାସହ ସମସ୍ତ ଆହତଙ୍କ ଚିକିତ୍ସା ଖର୍ଚ୍ଚ ସରକାର ବହନ କରିବେ ବୋଲି ମଧ୍ୟ ଘୋଷଣା କରାଯାଇଥିଲା। ଏହି ଘଟଣା ପାଇଁ ଯିଏ ଦୋଷୀ ସାବ୍ୟସ୍ତ ହେବେ ତାଙ୍କ ବିରୋଧରେ ଦୃଷ୍ଟାନ୍ତମୂଳକ କାର୍ଯ୍ୟାନୁଷ୍ଠାନ ନିଆଯିବ ବୋଲି କୁହାଯାଇଥିଲା। ଘଟଣାର ଦୀର୍ଘ ଦିନ ପରେ ମାମଲା କୋର୍ଟକୁ ଯାଇଥିଲା ଓ ଶେଷରେ ପୁଣି ଥରେ କାର୍ଯ୍ୟ ଆରମ୍ଭ କରିଥିଲା ସଂସ୍ଥା।</p> <p>&nbsp;</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।