ବିଜେପୁର ନିର୍ବାଚନ ରଣାଙ୍ଗନରେ “ଉଦଣ୍ଡୀ ସୀତା”

<p>ବରଗଡ଼(ଓଡ଼ିଶା ରିପୋର୍ଟର): ବିଜେପୁର ଉପନିର୍ବାଚନ ପ୍ରଚାର ପାଇଁ ହାତରେ ଅଛି ୩ ଦିନ। ତେଣୁ ରାଜ୍ୟ ପ୍ରମୁଖ ରାଜନୈତିକ ଦଳ ଗୁଡ଼ିକ ପ୍ରଚାର ଜୋରଦାର କରିଛନ୍ତି। କେନ୍ଦ୍ରମନ୍ତ୍ରୀ ଗିରିରାଜ ସିଂଙ୍କ ସହ ୩ ଜଣ କେନ୍ଦ୍ରମନ୍ତ୍ରୀ ଆଜି ପ୍ରଚାର ପାଇଁ ମଇଦାନକୁ ଓହ୍ଲାଇଛନ୍ତି। ଆଜି ନିର୍ବାଚନୀ ପ୍ରଚାରରେ ମୁଖ୍ୟ ଆକର୍ଷଣ ସାଜିଥିଲେ ଓଲିଉଡ୍&zwnj;ର ଚର୍ଚ୍ଚିତ ନାୟିକା ଅପରାଜିତା ମହାନ୍ତି। ସେ ବିଜେପି ପାଇଁ ପ୍ରଚାର କରିଥିଲେ। ପ୍ରଚାର ସମୟରେ ରିଲ୍&zwnj; ଲାଇଫ୍&zwnj;ର ଏହି &ldquo;ଉଦଣ୍ଡୀ ସୀତା&rdquo;ଙ୍କୁ ଦେଖିବା ପାଇଁ ଦର୍ଶକ ଲଗାଇଥିଲେ ଭିଡ଼। ବିଜେଡି ଓ କଂଗ୍ରେସ ମଧ୍ୟ କଡା ଟକ୍କର ଦେଇଛି।</p><p>&lt;a href=&quot;&quot;&gt;(image) &lt;/a&gt;ରାଲି, ରୋଡ୍ ସୋ, ଡୋର ଟୁ ଡୋର୍ କ୍ୟାମ୍ପେନିଂ। ଫୋକସରେ ଥିଲେ ବିଜେପିର କେନ୍ଦ୍ରମନ୍ତ୍ରୀ ଗିରିରାଜ ସିଂ ଓ ଅଭିନେତ୍ରୀ ଅପରାଜିତା। ଏମାନଙ୍କୁ ଧରି ଭୋଟରଙ୍କୁ ମନେଇବା ପାଇଁ ବିଜେପି ଜୋରଦାର ଉଦ୍ୟମ କରିଥିଲା। ବିଜେପି ପ୍ରାର୍ଥୀ ଅଶୋକ ପାଣିଗ୍ରାହୀଙ୍କ ପାଇଁ ଧର୍ମେନ୍ଦ୍ର ପ୍ରଧାନ ଓ ଜୁଏଲ୍ ଓରାମ ମଧ୍ୟ କରିଥିଲେ ମାରାଥନ୍ ପ୍ରଚାର। ସେହିପରି ପ୍ରାର୍ଥୀ ରୀତା ସାହୁଙ୍କୁ ଧରି ବିଜେଡି ବି ବିଜେପୁରର ବିଭିନ୍ନ ସ୍ଥାନରେ ଜୋରଦାର ପ୍ରଚାର କରିଛି। ଏପଟେ ପ୍ରଚାର ମଇଦାନରେ ବିଜେଡି-ବିଜେପିକୁ ଟକ୍କର ଦେବାକୁ କଂଗ୍ରେସ ବି କରିଛି ଜୋରଦାର ପ୍ରୟାସ। ଦଳର ରାଜ୍ୟସ୍ତରୀୟ ତୁଙ୍ଗ ନେତାଙ୍କ ସହ କେନ୍ଦ୍ରୀୟ ନେତା ବି.କେ. ହରିପ୍ରସାଦ ଆଜି ପ୍ରାର୍ଥୀ ପ୍ରଣୟ ସାହୁଙ୍କ ପାଇଁ ପ୍ରଚାର କରିଛନ୍ତି।</p><p>କେନ୍ଦ୍ରମନ୍ତ୍ରୀ ଗିରିରାଜ ସିଂ କହିଛନ୍ତି-&ldquo;ଆଜି ପର୍ଯ୍ୟନ୍ତ ଚାଷୀଙ୍କୁ ଏମ୍&zwnj;ଏସ୍&zwnj;ପି ମିଳିନାହିଁ। ବେକାରୀଙ୍କୁ ଏପର୍ଯ୍ୟନ୍ତ ନିଯୁକ୍ତି ମିଳିନାହିଁ। ଏମିତି ସରକାର ୧୮ ବର୍ଷ ଧରି ଚାଲିଛି। ଏହି ଉପନିର୍ବାଚନରୁ ହିଁ ବିଜେଡି ସରକାର ପତ୍ତନ ଆରମ୍ଭ ହେବ।&rdquo;</p><p>ବିଜେଡି ବିଧାୟିକା ରାସେଶ୍ୱରୀ ପାଣିଗ୍ରାହୀ କହିଛନ୍ତି-&ldquo;ବିଜେପିର ପାଦ ତଳୁ ଖସିଗଲାଣି। ସେଥିପାଇଁ ମିଥ୍ୟ ଅଭିଯୋଗ ଆଣୁଛନ୍ତି। ବିଜେପୁରର ବିକାଶ ନେଇ ବିଜେଡି ଲୋକଙ୍କ ପାଖକୁ ଯାଉଛି।&rdquo;</p><p>ବରିଷ୍ଠ କଂଗ୍ରେସ ନେତା ଶ୍ରୀକାନ୍ତ ଜେନା କହିଛନ୍ତି-&ldquo;ଲୋକେ କଂଗ୍ରେସକୁ ଭୋଟ୍&zwnj; ଦେବାକୁ ସ୍ଥିର କରିଛନ୍ତି। ଏହା ସତ୍ତ୍ୱେ କଂଗ୍ରେସ କର୍ମୀମାନେ ଘରକୁ ଘର ବୁଲି ପ୍ରଚାର କରୁଛନ୍ତି।</p><p>ଏପଟେ ତିନି ଦଳ ଓ୍ୱାର ରୁମ୍&zwnj;ରେ କରିଛନ୍ତି ଜବରଦସ୍ତ କସରତ୍। ବରପାଲିର କେ.ଡି ଭବନକୁ ବିଜେଡି କରିଛି ୱାର ରୁମ୍&zwnj;। ଏହିଠାରୁ ବରପାଲି ବ୍ଲକର ପ୍ରତି ଗାଁକୁ ଯାଉଛି ପୋଷ୍ଟର, ବ୍ୟାନର। ପ୍ରସ୍ତୁତ ହେଉଛି ପ୍ରଚାର ଷ୍ଟ୍ରାଟେଜି। ଦଳୀୟ ପ୍ରାର୍ଥୀ ରୀତା ସାହୁଙ୍କୁ ଇଭିଏମ୍&zwnj; ଚିହ୍ନେଇବା ପାଇଁ ଡେମୋ ଇଭିଏମ୍ ମେସିନ୍ ବି ପଠାଯାଉଛି। କାଲିଠୁ ଦଳର ସୁପ୍ରିମୋ ତଥା ଷ୍ଟାର କ୍ୟାମ୍ପେନର ନବୀନ ପଟ୍ଟନାୟକ ପ୍ରଚାରକୁ ଓହ୍ଲାଉଥିବାରୁ ରଣନୀତିରେ ମାତି ଯାଇଛନ୍ତି ନେତା।</p><p>ବରପାଲି ଆଶୀର୍ବାଦ ମଣ୍ଡପରେ ରହିଛି ବିଜେପିର ଓ୍ୱାର୍ ରୁମ୍। ଏଠାରେ ଲିଫ୍ଲେଟ୍, ପୋଷ୍ଟର, ଫ୍ଲେକ୍ସ, ଟୋପି ମହଜୁଦ୍ ରହିଛି। ପ୍ରଚାରରେ ପ୍ରତିପକ୍ଷକୁ ଚକ୍ମା ଦେବାକୁ ଷ୍ଟ୍ରାଟେଜୀ କରୁଛନ୍ତି ଖୋଦ୍ ଦଳର ରାଜ୍ୟ ମୁଖିଆ। ବିଶେଷ କରି କାଲି ପ୍ରଚାରକୁ ଆସୁଥିବା କେନ୍ଦ୍ରମନ୍ତ୍ରୀ ସ୍ମୃତି ଇରାନୀଙ୍କ ପାଇଁ ହେଉଛି ସ୍ୱତନ୍ତ୍ର ତୟାରି।</p><p>ଅନ୍ୟପକ୍ଷରେ ବରପାଲିର କଂଗ୍ରେସ ଓ୍ୱାର୍ ରୁମ୍&zwnj;ରେ ବି ଷ୍ଟ୍ରାଟେଜିଷ୍ଟଙ୍କୁ ନିଦ ନାହିଁ। ଆସନ୍ତାକାଲିର ପ୍ରଚାରକୁ ନେଇ ସବୁ କିଛି ରଣନୀତି ସ୍ଥିର ହେଉଛି ଏଇଠୁ। ହାତରେ ସମୟ କମ୍ ଥିବାରୁ ଗଳି ଗଳିରେ ଯେଭଳି କଂଗ୍ରେସ ପତାକା ଉଡ଼ିବ, ସେଥିପାଇଁ ଆଲୋଚନାରେ ବ୍ୟସ୍ତ ନେତା।</p><p>https://youtu.be/sP1sZCk5jx0</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।