ଭୁବନେଶ୍ୱର(ଓଡ଼ିଶା ରିପୋର୍ଟର) ଓଡିଶାରେ ଦୈନିକ ୩୦ରୁ ଅଧିକ ଦୁର୍ଘଟଣା ହେଉଛି। ଏଥିରେ ୧୫ରୁ ଅଧିକ ଲୋକଙ୍କ ଜୀବନ ଯାଉଛି । କେନ୍ଦ୍ର ସଡକ ପରିବହନ ଓ ରାଜପଥ ମନ୍ତ୍ରାଳୟର ଗବେଷଣା ୱିଙ୍ଗ୍ ପକ୍ଷରୁ ପ୍ରକାଶ ପାଇଥିବା ରିପୋର୍ଟରେ ଏଭଳି ତଥ୍ୟ ସାମ୍ନାକୁ ଆସିଛି। ରିପୋର୍ଟ ଅନୁଯାୟୀ, ୨୦୧୯ ମସିହାରେ ଓଡିଶାରେ ୧୧ ହଜାର ୬୪ଟି ସଡକ ଦୁର୍ଘଟଣା ହୋଇଛି । ଏଥିରେ ୫ ହଜାର ୩୩୩ ଜଣଙ୍କ ମୃତ୍ୟୁ ହୋଇଛି। ୨୦୧୮ ତୁଳନାରେ ଦୁର୍ଘଟଣା ସଂଖ୍ୟା କମ୍ ହୋଇଥିଲେ ମଧ୍ୟ ଅଧିକ ମୃତ୍ୟୁ ହୋଇଛି ।
ସଡକ ଦୁର୍ଘଟଣାରେ ଓଡିଶା ୧୨ତମ ସ୍ଥାନରେ ରହିଛି । ଓଡିଶାରେ ଓଭରସ୍ପିଡ୍ ଯୋଗୁଁ ୭ ହଜାର ୬୩୨ଟି ଦୁର୍ଘଟଣା ହୋଇଛି। ମଦ୍ୟପାନ କରି ଗାଡିଚାଳନା ଯୋଗୁଁ ୧୦୬୮ ଦୁର୍ଘଟଣା ଘଟିଥିଲା, ଏଥିରେ ୫୦୭ଜଣଙ୍କର ମୃତ୍ୟୁ ହୋଇଛି। ମଦ୍ୟପାନ କରି ଗାଡିଚଳାଇବା ସମ୍ପର୍କିତ ଦୁର୍ଘଟଣା ମାମଲାରେ ଓଡିଶା ତୃତୀୟ ସ୍ଥାନରେ ରହିଛି । ଭୁଲ ପାର୍ଶ୍ୱରେ ଡ୍ରାଇଭିଂ କରିବା ଯୋଗୁଁ ୧୦୪୦ଟି ସଡକ ଦୁର୍ଘଟଣା ହୋଇଛି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
