ବରଗଡ଼ (ଦୀପକ ଶାର୍ମା): ବରଗଡ଼ ଜିଲ୍ଲା ଭେଡ଼େନ ଥାନା ଇନ୍ସପେକ୍ଟର ସଙ୍ଗୀତା ମହାପାତ୍ରଙ୍କ ବିରୋଧରେ ଜାରି ହେଇଛି ଜାମିନ ବିହୀନ ପରୱାନା।
୨୦୦୮ ମସିହାରେ ସେ ପୁରୀର କୁମ୍ଭାରପଡ଼ା ଥାନାରେ ସବ୍-ଇନ୍ସପେକ୍ଟର ଥିଲେ। ସେହିବର୍ଷ ଡିସେମ୍ବର ୯ ତାରିଖରେ ସେ ଏକ ଜୁଆ ଆଡ୍ଡା ଉପରେ ଚଢ଼ାଉ କରିଥିଲେ। ପରବର୍ତ୍ତୀ ସମୟରେ ଏହି ମାମଲାରେ ତାଙ୍କୁ ପୁରୀ ସିଜେଏମ କୋର୍ଟ ପକ୍ଷରୁ ତାଙ୍କୁ ହାଜର ହେବାକୁ ନୋଟିସ ଜାରି କରାଯାଇଥିଲା। ତେବେ ସେ କୌଣସି ଉତ୍ତର ଦେଉନଥିଲେ କି ହାଜର ହୋଇ ନଥିଲେ।
ସେଥିପାଇଁ ଗତ ଏପ୍ରିଲ ୧୨ ତାରିଖରେ କୋର୍ଟ ପକ୍ଷରୁ ବରଗଡ଼ ଏସପିଙ୍କୁ ଏନେଇ ନିର୍ଦ୍ଦେଶ ହୋଇଥିଲା। ତଥାପି ସଙ୍ଗୀତା କୋର୍ଟରେ ହାଜରା ନହେବାରୁ ତାଙ୍କ ବିରୋଧରେ ଜାମିନ ବିହୀନ ଗିରଫ ପରୱାନା ଜାରି ହୋଇଛି। ଏହି ଘଟଣା ନେଇ ବରଗଡ଼ ଆରକ୍ଷୀ ଅଧୀକ୍ଷକ (ଏସ୍ପି)ଙ୍କ କୌଣସି ପ୍ରତିକ୍ରିୟା ଦେବାକୁ ମନା କରି ଦେଇଛନ୍ତି।