ଅରୁଣଙ୍କ ପାଖରେ ଆପତ୍ତି ଜଣାଇବାକୁ ଯାଇଥିଲେ, ଉଠ୍‌ବସ୍‌ ହୋଇ ଫେରିଲେ

<p>ବାରିପଦା (ମାଣିକ ଲାଲ୍&zwnj; ପାଣି): ବିଜେଡି ବିଧାୟକ ଅରୁଣ ସାହୁଙ୍କ ଦାଦାଗିରି। ଆପତ୍ତି କରିବାକୁ ଯାଇଥିବା ଛାତ୍ର ନେତାଙ୍କୁ ଉଠ୍&zwnj;ବସ୍&zwnj; କରାଇଲେ। ଥରେ କି ଦୁଇ ଥର ନୁହେଁ। ୭୦ରୁ ଅଧିକ ଥର ଉଠ୍&zwnj;ବସ୍&zwnj; କରାଇବା ସହିତ ଅଶ୍ଲୀଳ ଭାଷାରେ ଅରୁଣ ଗାଳି ଦେଇଥିବା ଅଭିଯୋଗ ହୋଇଛି। ଛାତ୍ର ନେତା ଜଣକ ଏନେଇ ଆଜି ସୋସିଆଲ୍&zwnj; ମିଡ଼ିଆ ଫେସ୍&zwnj;ବୁକ୍&zwnj;ରେ ଅଭିଯୋଗ କରିଛନ୍ତି। ଏହାକୁ ନେଇ ବାରିପଦାସ୍ଥିତ ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର ଛାତ୍ରଛାତ୍ରୀଙ୍କ ମଧ୍ୟରେ ଅସନ୍ତୋଷ ପ୍ରକାଶ ପାଇଛି।</p> <p>&lt;a href=&quot;&quot;&gt;(image) &lt;/a&gt;</p> <p>ଅଭିଯୋଗରୁ ପ୍ରକାଶ, ଉତ୍ତର ଓଡ଼ିଶା ବିଶ୍ୱବିଦ୍ୟାଳୟର ସମସ୍ତ ସ୍ୱୟଂ ବିତ୍ତୀୟ ବିଭାଗ ଗୁଡ଼ିକ ନିୟମିତ କରିବା ସମ୍ପର୍କରେ ଆଲୋଚନା ପାଇଁ ଛାତ୍ର ସଂସଦ ସଭାପତି ତୁଷାର ନାୟକ ଗତକାଲି ବାରିପଦା ନଗରପାଳ ଜିତେନ୍ଦ୍ର ମହାନ୍ତିଙ୍କୁ ଫୋନ୍&zwnj; କରିଥିଲେ। ତାଙ୍କଠାରୁ ଡାକରା ପାଇ ଆଜି ତୁଷାର ସର୍କିଟ୍&zwnj; ହାଉସ୍&zwnj;କୁ ଯାଇଥିଲେ। ମାତ୍ର ଜାଣିନଥିଲେ ସେଠାକୁ ମୟୂରଭଞ୍ଜ ଜିଲ୍ଲା ବିଜେଡି ପର୍ଯ୍ୟବେକ୍ଷକ ଅରୁଣ ସାହୁ ଆସିଛନ୍ତି ବୋଲି। ତୁଷାର ନିଜର ଆପତ୍ତି କହିବା ବେଳେ ସେଠାରେ ଉପସ୍ଥିତ ଥିବା ଅରୁଣ ତାଙ୍କୁ ଅଶ୍ଲୀଳ ଭାଷାରେ ଗାଳି ଦେଇଥିଲେ। ଏପରିକି ରୁମ୍&zwnj;ରୁ ବାହାରିଯିବାକୁ ଅରୁଣ କହିଥିଲେ। ଏଥିରେ ବ୍ୟଥିତ ହୋଇ ତୁଷାର ସେଠାରୁ ପଳାଇ ଆସିଥିଲେ। କିଛି ସମୟ ପରେ ଅରୁଣ ପୁନର୍ବାର ତୁଷାରଙ୍କୁ ଡାକି ଉଠ୍&zwnj;ବସ୍&zwnj; ହେବାକୁ କହିଥିଲେ। ପରେ ସେ ବାଧ୍ୟ ହୋଇ ସମସ୍ତଙ୍କ ସମ୍ମୁଖରେ ୭୦ରୁ ଅଧିକ ଥର ଉଠ୍&zwnj;ବସ ହୋଇଥିଲେ। ସବୁ ଗୁରୁତ୍ୱପୂର୍ଣ୍ଣ କଥା ହେଉଛି ଏହି ସମୟରେ ସେଠାରେ ଅନେକ ନେତା ଓ କର୍ମୀ ଉପସ୍ଥିତ ଥିଲେ। ହେଲେ କେହି ପ୍ରତିବାଦ କରିନଥିଲେ। ବରଂ ସମସ୍ତେ ନୀରବଦ୍ରଷ୍ଟା ସାଜିଥିବା ଅଭିଯୋଗ ହୋଇଛି।</p> <p>&lt;a href=&quot;http://odishareporter.in/wp-content/uploads/2018/05/IMG-20180529-WA0356.jpg&quot;&gt;(image) &lt;/a&gt;</p> <p>ତୁଷାରଙ୍କ ଅଭିଯୋଗ ନେଇ ଅରୁଣଙ୍କ ସହ ଯୋଗାଯୋଗ କରାଯାଇଥିଲା। କିନ୍ତୁ ସେ ଏକ ବୈଠକରେ ବ୍ୟସ୍ତ ଥିବା କହି ପ୍ରତିକ୍ରିୟା ଦେଇନଥିଲେ।</p>