ଆସନ୍ତା ୧୦ ତାରିଖରେ ଭୁବନେଶ୍ୱରରେ ଅବତରଣ କରିବ ଅନ୍ତର୍ଜାତୀୟ ବିମାନ

ଭୁବନେଶ୍ୱର: ଆସନ୍ତା ୧୦ ତାରିଖ  ସକାଳ ୯ଟା ୫ରେ ଭୁବନେଶ୍ୱରରେ ପ୍ରଥମ କରି ଅବତରଣ କରିବ ଏୟାର ଇଣ୍ଡିଆର ସିଡ୍ୟୁଲ୍ ଅନ୍ତର୍ଜାତୀୟ ବିମାନ । ଭୁବନେଶ୍ୱର ବିମାନ ବନ୍ଦରର ଟି-୨ ଟର୍ମିନାଲରେ ଏୟାର ଇଣ୍ଡିଆର ଏ-୧୦୭୭ ସିଡ୍ୟୁଲ୍ ବିମାନ ଅବତରଣ କରିବା ନେଇ ଏୟାର ଇଣ୍ଡିଆ କର୍ତ୍ତୃପକ୍ଷ ସୂଚନା ଦେଇଛନ୍ତି। ପୂର୍ବରୁ ନୂଆଦିଲ୍ଲୀରୁ ଆସୁଥିବା ଘରୋଇ ଏୟାର ଇଣ୍ଡିଆ ବିମାନ ଏ-୧୮୭୭ ନାମ ପରିବର୍ତ୍ତନ କରି ଏ-୧୦୭୭ ନାଁରେ ଅନ୍ତର୍ଜାତୀୟ ବିମାନ ଭାବେ ଭୁବନେଶ୍ୱର ଆସିବ । […]

air-india

air-india

Rakesh Mallick
  • Published: Sunday, 05 July 2015
  • Updated: 05 July 2015, 04:32 AM IST

Sports

Latest News

ଭୁବନେଶ୍ୱର: ଆସନ୍ତା ୧୦ ତାରିଖ  ସକାଳ ୯ଟା ୫ରେ ଭୁବନେଶ୍ୱରରେ ପ୍ରଥମ କରି ଅବତରଣ କରିବ ଏୟାର ଇଣ୍ଡିଆର ସିଡ୍ୟୁଲ୍ ଅନ୍ତର୍ଜାତୀୟ ବିମାନ । ଭୁବନେଶ୍ୱର ବିମାନ ବନ୍ଦରର ଟି-୨ ଟର୍ମିନାଲରେ ଏୟାର ଇଣ୍ଡିଆର ଏ-୧୦୭୭ ସିଡ୍ୟୁଲ୍ ବିମାନ ଅବତରଣ କରିବା ନେଇ ଏୟାର ଇଣ୍ଡିଆ କର୍ତ୍ତୃପକ୍ଷ ସୂଚନା ଦେଇଛନ୍ତି। ପୂର୍ବରୁ ନୂଆଦିଲ୍ଲୀରୁ ଆସୁଥିବା ଘରୋଇ ଏୟାର ଇଣ୍ଡିଆ ବିମାନ ଏ-୧୮୭୭ ନାମ ପରିବର୍ତ୍ତନ କରି ଏ-୧୦୭୭ ନାଁରେ ଅନ୍ତର୍ଜାତୀୟ ବିମାନ ଭାବେ ଭୁବନେଶ୍ୱର ଆସିବ । ଏହି ବିମାନରେ ଉଭୟ ଘରୋଇ ଓ ଅନ୍ତର୍ଜାତୀୟ ଯାତ୍ରୀ ଆସିବେ । ଟି-୨ ଟର୍ମିନାଲରେ ଅନ୍ତର୍ଜାତୀୟ ଯାତ୍ରୀଙ୍କ କଷ୍ଟମ ଓ ଇମିଗ୍ରେସନ ଯାଞ୍ଚ କରାଯିବା ବେଳେ ଘରୋଇ ଯାତ୍ରୀଙ୍କୁ ଲଗଜରିୟସ ବସ୍ ଯୋଗେ ଟି-୧ ଟର୍ମିନାଲକୁ ନିଆଯିବ । ସେହିଭଳି ଅପରାହ୍ନ ୨ଟାରେ ଭୁବନେଶ୍ୱରରୁ ଦିଲ୍ଲୀ ଯାଉଥିବା ବିମାନ ଏ-୧୮୭୪ ଭୁବନେଶ୍ୱର ଟି-୨ ଟର୍ମିନାଲରୁ ଅନ୍ତର୍ଜାତୀୟ ଯାତ୍ରୀଙ୍କୁ ନେଇ ଅନ୍ତର୍ଜାତୀୟ ବିମାନ ଏ-୧୦୭୮ ଭାବେ ଯାତ୍ରା କରିବ । ଏହି ସେବା ଆରମ୍ଭ ପରେ ବିଦେଶର ବିଭିନ୍ନ ପ୍ରାନ୍ତରୁ ନୂଆଦିଲ୍ଲୀ ଦେଇ ଆସୁଥିବା ଯାତ୍ରୀମାନେ କଷ୍ଟମ ଓ ଇମିଗ୍ରେସନ ନୂଆଦିଲ୍ଲୀରେ ଯାଞ୍ଚ ନ କରି ଭୁବନେଶ୍ୱରରେ କରିବେ। ସେହିଭଳି ଭୁବନେଶ୍ୱରରୁ ନୂଆଦିଲ୍ଲୀ ଦେଇ ବିଦେଶକୁ ଯାତ୍ରା କରୁଥିବା ଯାତ୍ରୀଙ୍କ କଷ୍ଟମ ଓ ଇମିଗ୍ରେସନ ଯାଞ୍ଚ ଭୁବନେଶ୍ୱରରେ ହେବା ନେଇ ଏୟାର ଇଣ୍ଡିଆ କର୍ତ୍ତୃପକ୍ଷ ସୂଚନା ଦେଇଛନ୍ତି।

telegram ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।

Related Stories

Trending

Photos

Videos