ଭୁବନେଶ୍ୱର: ଆତ୍ମଘୋଷିତ ବାବାମାନଙ୍କ କବଳରୁ ସରକାରୀ ଜମି ଜବରଦଖଲ ମୁକ୍ତ କରିବାକୁ ଜିଲ୍ଲାପାଳମାନଙ୍କୁ କେନ୍ଦ୍ରାଞ୍ଚଳ ଆରଡିସିଙ୍କ ନିର୍ଦ୍ଦେଶ ଦେଇଛନ୍ତି । କେନ୍ଦ୍ରାଞ୍ଚଳ ଅନ୍ତର୍ଗତ ୧୦ଟି ଜିଲ୍ଲାର ଜିଲ୍ଲାପାଳଙ୍କୁ ଏହି ନିର୍ଦ୍ଦେଶ ଦେଇଛନ୍ତି ଆରଡିସି ବିକାଶ ଚନ୍ଦ୍ର ମହାପାତ୍ର। ଧର୍ମ ଆଳରେ ବାବାମାନେ ବହୁ ପରିମାଣର ସରକାରୀ ଜମିକୁ ଜବରଦଖଲ କରିଥିବା ନେଇ ଗଣମାଧ୍ୟମରେ ରିପୋର୍ଟ ପ୍ରକାଶ ପାଇଥିବା ଆରଡିସି ଜିଲ୍ଲାପାଳମାନଙ୍କୁ ଜଣାଇଛନ୍ତି। କେଉଁ ଜିଲ୍ଲାରେ କେଉଁ ବାବା କେତେ ପରିମାଣର ସରକାରୀ ଜମି ଓ ଦେବୋତ୍ତର ଜମି ଜବରଦଖଲ କରିଛନ୍ତି ସେ ସମ୍ପର୍କରେ ୧୫ ଦିନ ମଧ୍ୟରେ ରିପୋର୍ଟ ଦେବାକୁ କୁହାଯାଇଛି । ଏ କ୍ଷେତ୍ରରେ କୌଣସି କୋହଳ ମନୋଭାବ ପ୍ରଦର୍ଶନ ନ କରିବାକୁ ଆରଡିସି ନିଜ ନିର୍ଦ୍ଦେଶ ଦେଇଛନ୍ତି । ଯଦି କୌଣସି ସରକାରୀ ଜମିକୁ ବେଆଇନ ଭାବେ ରେକର୍ଡଭୁକ୍ତ କରାଯାଇଥିବ ତେବେ ସେଥିରେ ତୁରନ୍ତ ସଂଶୋଧନ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ସେ କହିଛନ୍ତି ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
