କେନାଲରୁ ହାତୀ ଛୁଆ ଉଦ୍ଧାର

<p>ଆଠଗଡ଼ (ନୀଳକଣ୍ଠ ଦୋରା): କଟକ ଜିଲ୍ଲା ଆଠଗଡ଼ ଖୁଣ୍ଟୁଣି ରେଞ୍ଜ ଖମାର ନୂଆଗାଁ କେନାଲରୁ ଏକ ହାତୀ ଛୁଆକୁ ଉଦ୍ଧାର କରାଯାଇଛି। ଛୁଆଟିର ବୟସ ସାତ ମାସ ହେବ ବୋଲି ଅନୁମାନ କରାଯାଉଛି।</p> <p>ହାତୀପଲ ସହ ଆସିଥିବା ଏହି ଛୁଆଟି କୌଣସି କାରଣରୁ ଫେରି ନପାରି ଏକା ରହି ଯାଇଥିବା ଅନୁମାନ କରାଯାଉଛି।</p> <p>ଗାଁ ଲୋକେ ବିଲକୁ କାମ କରିବାକୁ ଯାଇଥିବା ବେଳେ ଛୁଆ ହାତୀକୁ ଦେଖି ଉଦ୍ଧାର କରିଥିଲେ।</p> <p>ଲୋକମାନେ ହାତୀ ଛୁଆକୁ ବିଲରୁ କାନ୍ଧେଇ କାନ୍ଧେଇ ଗାଁକୁ ଆଣିବା ପରେ ବନ ବିଭାଗକୁ ଖବର ଦେଇଥିଲେ। ଏହାପରେ ବନ ବିଭାଗ କର୍ମଚାରୀମାନେ ଗାଁରେ ପହଞ୍ଚି ହାତୀ ଛୁଆକୁ ନେଇ ଚିକିତ୍ସା ଲାଗି ପଠାଇଛନ୍ତି।</p> <p>&amp;nbsp;</p>