ଏୟାରପୋର୍ଟର ପାର୍କିଂ ଚେକ୍‌ଗେଟ୍‌କୁ ନେଇ ବୈଜୟନ୍ତଙ୍କ ଉଦ୍‌ବେଗ ପରେ ସବୁ ବିମାନବନ୍ଦରର ସ୍ଥିତି ଯାଞ୍ଚ ନିର୍ଦ୍ଦେଶ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ଏୟାରପୋର୍ଟର ପାର୍କିଂ ଚେକ୍&zwnj;ଗେଟ୍&zwnj;କୁ ନେଇ ସାଂସଦ ବୈଜୟନ୍ତ ପଣ୍ଡା ଉଦ୍&zwnj;ବେଗ ପ୍ରକାଶ କରିବା ପରେ ସାରା ଦେଶର ବିମାନବନ୍ଦରରେ ସ୍ଥିତି ଯାଞ୍ଚ ପାଇଁ ବେସାମରିକ ବିମାନ ଚଳାଚଳ ରାଷ୍ଟ୍ରମନ୍ତ୍ରୀ ଜୟନ୍ତ ସିହ୍ନାଙ୍କ ନିର୍ଦ୍ଦେଶ ଦେଇଛନ୍ତି। ଭୁବନେଶ୍ୱର ବିମାନବନ୍ଦରରେ ପାର୍କିଂ କରୁ ନଥିବା ଗାଡ଼ିକୁ ମଧ୍ୟ ଚେକ୍&zwnj;ଗେଟ୍ ଦେଇ ଯିବାକୁ ପଡୁଛି। ଡ୍ରପ୍ ଓ ପିକ୍ଅପ୍ ପାଇଁ ଯାଉଥିବା ଗାଡିଗୁଡିକ ଚେକ୍&zwnj;ଗେଟ୍ ଦେଇ ଯିବା ଦ୍ୱାରା ଟ୍ରାଫିକ୍ ସମସ୍ୟା ସୃଷ୍ଟି ହେବା ସହ ଅଯଥା ବିଳମ୍ବ ଓ ଅସୁବିଧା ହେଉଥିବା ନେଇ ବୈଜୟନ୍ତ ଟ୍ୱିଟ୍&zwnj; କରିଥିଲେ। ସେପଟେ ବେସାମରିକ ବିମାନ ଚଳାଚଳ ମନ୍ତ୍ରୀଙ୍କ ତ୍ୱରିତ ପଦକ୍ଷେପ ପାଇଁ ବୈଜୟନ୍ତ ତାଙ୍କୁ ଧନ୍ୟବାଦ ଜଣାଇଛନ୍ତି।</p>