ଭୁବନେଶ୍ୱର(ଓଡ଼ିଶା ରିପୋର୍ଟର):ଏକଜିଟ୍ ପୋଲ ଆକଳନକୁ ନେଇ ବିଜେପିର ବରିଷ୍ଠ ନେତା ତଥା ଦଳର ରାଷ୍ଟ୍ରୀୟ ଉପାଧ୍ୟକ୍ଷ ବୈଜୟନ୍ତ ପଣ୍ଡା ନିଜର ପ୍ରତିକ୍ରିୟା ରଖିଛନ୍ତି। ବୈଜୟନ୍ତ କହିଛନ୍ତି ଯେ, ଏକଜିଟ୍ ପୋଲ ଆକଳନ ସବୁବେଳେ ଭୁଲ୍ ହୋଇ ନଥାଏ। ଓଡ଼ିଶାରେ ଏକମାତ୍ର ଦଳ ଭାବେ ବିଜେପିର ଆସନ ସଂଖ୍ୟା ବଢୁଛି।
ବିଧାନସଭା ଓ ଲୋକସଭା ଉଭୟରେ ବିଜେପି ବହୁତ ବଢୁଛି। ଅନ୍ୟ ଦଳଗୁଡ଼ିକ କମୁଛି। ଏକଜିଟ୍ ପୋଲର ଏହି ଆକଳନରେ ମୁଁ ଏକମତ। ମୁଁ କେନ୍ଦ୍ରାପଡ଼ା ପାଇଁ ନୂଆ ମୁହଁ ନୁହେଁ। ମୋର ଲୋକଙ୍କ ଉପରେ ଭରସା ଅଛି। ସେମାନଙ୍କର ବି ମୋ ଉପରେ ଭରସା ରହିଛି ବୋଲି ବୈଜୟନ୍ତ କହିଛନ୍ତି।