ବାଲେଶ୍ୱର (ଓଡ଼ିଶା ରିପୋର୍ଟର): ଛାତ୍ରୀଙ୍କ ସହିତ ଅନୈତିକ ସମ୍ପର୍କ ରଖିଥିଲେ ସାର୍। ଯାହାର ଭିଡିଓ ସୋଶାଲ୍ ମିଡିଆରେ ଭାଇରାଲ୍ ହେବା ପରେ ବନ୍ଧା ହେଲେ ଅଧ୍ୟାପକ। ଆଜି ଏପରି ଅଭିଯୋଗ ବାଲେଶ୍ୱର ସଦରରୁ ଆସିଛି।
ବାଲେଶ୍ୱର ଆର୍ଟ କଲେଜରେ ଇତିହାସ ଅଧ୍ୟାପକ ଭାବେ ଚାକିରି କରୁଥିଲେ ଶଶାଙ୍କ ଶେଖର ଦାସ। ସେ ଭୋକେସନାଲ ଛାତ୍ରଛାତ୍ରୀଙ୍କୁ ପାଠ ପଢାଉଥିଲେ। ଏଥିସହ ଅନ୍ୟ କଲେଜ ଛାତ୍ରଛାତ୍ରୀଙ୍କୁ ଟ୍ୟୁସନ୍ ମଧ୍ୟ କରୁଥିଲେ। ପାଠ ପଢ଼ାଇବା ସମୟରେ ଜଣେ ନାବାଳିକା ଛାତ୍ରୀଙ୍କ ସହିତ ଅନୈତିକ ସଂପର୍କ ରଖିଥିଲେ। ଯାହାର ଭିଡିଓ ଏବେ ସୋଶାଲ୍ ମିଡିଆରେ ଭାଇରାଲ୍ ହୋଇଛି।
ଭିଡିଓ ଭାଇରାଲ୍ ହେବା ପରେ ଛାତ୍ରୀଙ୍କ ବାପା ଥାନାରେ ଲିଖିତ ଅଭିଯୋଗ କରିଥିଲେ। ପୁଲିସ ମାମଲା ରୁଜୁ କରି ଅଭିଯୁକ୍ତ ଅଧ୍ୟାପକ ଶ୍ରୀ ଦାସଙ୍କୁ ଗିରଫ କରିଛି। ଗିରଫ ପରେ ପୀଡ଼ିତା ଓ ଅଭିଯୁକ୍ତ ଅଧ୍ୟାପକଙ୍କୁ ଡାକ୍ତରୀ ମାଇନା ପାଇଁ ଜିଲ୍ଲା ମୁଖ୍ୟ ଡାକ୍ତରଖାନାକୁ ପଠାଯାଇଛି।
ସେପଟେ ଇତିହାସ ଅଧ୍ୟାପକ ଶ୍ରୀ ଦାସ ୬ ମାସ ତଳୁ କଲେଜରୁ ଇସ୍ତଫା ଦେଇଥିବା ଜଣାପଡ଼ିଛି। ଏହି ମାମଲାରେ ଆଉ କାହାର ହାତ ରହିଛି, ତାହାର ତଦନ୍ତ ଚାଲିଛି ବୋଲି ପୁଲିସ କହିଛି।