ଚାନ୍ଦିପୁରରୁ ପୃଥ୍ୱୀ-୨ର ବ୍ୟାବହାରିକ ପରୀକ୍ଷା

<p>ବାଲେଶ୍ୱର(ଓଡ଼ିଶା ରିପୋର୍ଟର): ଭୂପୃଷ୍ଠରୁ ଭୂପୃଷ୍ଠକୁ ଲକ୍ଷ୍ୟଭେଦ କରିପାରୁଥିବା ସ୍ୱଳ୍ପ ଦୂରଗାମୀ ବାଲିଷ୍ଟିକ ମିସାଇଲ୍&zwnj; ପୃଥ୍ୱୀ-୨ର ବ୍ୟାବହାରିକ ପରୀକ୍ଷା କରାଯାଇଛି। ଚାନ୍ଦିପୁରସ୍ଥିତ କ୍ଷେପଣାସ୍ତ୍ର ପରୀକ୍ଷା କେନ୍ଦ୍ରର ୩ନଂ ଲଞ୍ଚପ୍ୟାଡ଼ରୁ ଭାରତୀୟ ଜ୍ଞାନକୌଶଳରେ ପ୍ରସ୍ତୁତ ଏହି କ୍ଷେପଣାସ୍ତ୍ରର ପରୀକ୍ଷଣ ହୋଇଛି। ପୃଥ୍ୱୀ-୨ କ୍ଷେପଣାସ୍ତ୍ରର ଲକ୍ଷ୍ୟଭେଦ କ୍ଷମତା, ଟ୍ରାଜେଟୋରୀ ଓ ବେଗ ଉପରେ ବିକଶିତ କରାଯାଇଛି। ଯାହାର ତଥ୍ୟ ଏହି ପରୀକ୍ଷଣ ବେଳେ ସଂଗ୍ରହ କରାଯାଉଛି।</p> <p>ଜରୁରୀକାଳୀନ ସ୍ଥିତିରେ କ୍ଷେପଣାସ୍ତ୍ରକୁ ଆବଶ୍ୟକତା ଅନୁସାରେ ବ୍ୟବହାର କରାଯିବ ଉଦ୍ଦେଶ୍ୟରେ ଏହାର ପରୀକ୍ଷଣ କରାଯାଇଛି। ଡାଆରଡ଼ିଓ ଓ ଭାରତ ଡାୟନାମିକ୍ ଲିମିଟେଡ଼ର ମିଳିତ ସହଯୋଗରେ ନିର୍ମିତ ହୋଇଛି ଏହି କ୍ଷେପଣାସ୍ତ୍ର। ଏହାର ଲକ୍ଷ୍ୟଭେଦ କ୍ଷମତା ୩୫୦ କିଲୋମିଟର, ଲମ୍ବ ୮.୫୬ ସେଣ୍ଟିମିଟର, ମୋଟେଇ ୧୧୦ ସେଣ୍ଟିମିଟର ଏବଂ ଓଜନ ୪ ହଜାର ୬ଶହ କିଲୋଗ୍ରାମ ରହିଛି। ଏଥିରେ ୫ଶହ କିଲୋଗ୍ରାମରୁ ୧ହଜାର କିଲୋଗ୍ରାମ ପର୍ଯ୍ୟନ୍ତ ଉଭୟ ପାରମ୍ପରିକ ଓ ଅଣୁଅସ୍ତ୍ର ବ୍ୟବହାର କରାଯାଇ ପାରିବ। ୧୯୯୪ ମସିହାରୁ ଏହି ମିସାଇଲକୁ ସ୍ଥଳସେନାରେ ସାମିଲ କରାଯାଇ ସାରିଛି।</p> <p>&amp;nbsp;</p>