ପାର୍ସଲରେ ମୃତ୍ୟୁ ଉପହାର ଘଟଣା: ଏହି ଇଣ୍ଟରନେଟ କାଫେରୁ ହୋଇଥିଲା ପାର୍ସଲ ଟ୍ରାକ୍

<p>ବଲାଙ୍ଗିର: ସାଇବର କାଫେରେ ବଲାଙ୍ଗିର ପାଟଣାଗଡ଼ କିଲର୍ ବମ୍ ପଛର ସୁରାକ୍ ଖୋଜୁଛି ପୋଲିସ । ଭବାନୀପାଟଣାର ଏକ ଇଣ୍ଟରନେଟ୍ ସେଣ୍ଟରରେ ପାର୍ସଲକୁ ଦୁଇ ଥର ଟ୍ରାକ୍ କରାଯାଇଥିବା ସୂଚନା ମିଳିବା ପରେ ପୋଲିସ କାଫେ ଉପରେ ଚଢାଉ କରିବା ସହ ମଡେମ୍ ଜବତ କରିଛି । ଏହା ପୋଲିସକୁ ଅପରାଧୀ ପାଖରେ ପହଞ୍ଚାଇବା ଆଶା କରାଯାଉଛି। &nbsp;ସେପଟେ କେବଳ ଝିଅ ଘର ପଟୁ ତଦନ୍ତ ନକରି ପୁଅ ଘରୁ ପଟୁ ମଧ୍ୟ ତଦନ୍ତ କରାଯାଉ ବୋଲି ମୃତ ସୌମ୍ୟଶେଖରଙ୍କ ଶ୍ୱଶୁର ଦାବି କରିଛନ୍ତି। ବଲାଙ୍ଗିର ପାଟଣାଗଡ଼ ପାର୍ସଲ ବିସ୍ଫୋରଣର ଗୁମର ଖୋଲିବାରେ ଫେଲ ମାରିଛି ପୋଲିସ। &nbsp;ତେବେ ଘଟଣାକୁ ୧୫ ଦିନ ବିତି ଯାଇଥିବାରୁ କୌଣସି ବି ସୁରାକ୍&zwnj; &nbsp;ହାତଛଡ଼ା କରିବାକୁ ଚାହୁଁନାହିଁ ।</p> <p>ଏବେ ପୋଲିସ ପାଇଁ ସାହାରା ପାଲଟିଛି ଭବାନୀପାଟଣା ମହାବୀରପଡ଼ା ମାର୍କେଟ୍ କଂପ୍ଲେକ୍ସରେ ଥିବା ଏହି ସାଇବର୍ କାଫେ। &nbsp;ଏଠାରୁ ହିଁ ପ୍ରାଣଘାତୀ ପାର୍ସଲକୁ ଦୁଇ ଥର ଟ୍ରାକ୍ କରାଯାଇଥିଲା। &nbsp;ପାର୍ସଲ ଆଣିଥିବା ସ୍କାଏ କିଙ୍ଗ କୋରିୟରର କଲିକତାରେ ଥିବା ସେଣ୍ଟ୍ରାଲ ସର୍ଭର ଯାଞ୍ଚ ପରେ&nbsp; ଭବାନୀପାଟଣା ଇଣ୍ଟରନେଟ୍ କାଫେରୁ ଏହାକୁ ଟ୍ରାକ୍ କରାଯାଇଥିବା ସୂଚନା ମିଳିଥିଲା। &nbsp;ଆଉ ଏହି ସୂଚନା ଆଧାରରେ ପୋଲିସ ଏଠାରେ ଖୋଳତାଡ଼ କରିବା ସହ କାଫେର ମଡେମକୁ ଜବତ କରିଛି ।</p> <p>ମଡେମ୍ ଯାଞ୍ଚ ଦ୍ୱାରା କେଉଁ ବ୍ୟକ୍ତିଙ୍କ ଆଇଡିରୁ ପାର୍ସଲକୁ ଟ୍ରାକ୍ କରାଯାଇଥିଲା ତାହା ଜଣାପଡିବା ଆଶା କରାଯାଉଛି। &nbsp;ମାତ୍ର ଇଣ୍ଟରନେଟ୍ କାଫେରେ ସିସିଟିଭି ନ ଥିବାରୁ ଏହା ମଧ୍ୟ ସମ୍ଭବ ହେବା ନେଇ ଆଶଙ୍କା ଦେଖାଦେଇଛି। &nbsp;ସେପଟେ ଘଟଣାକୁ ନେଇ ମୁହଁ ଖୋଲିଛନ୍ତି ମୃତ ସୌମ୍ୟଶେଖରଙ୍କ ଶ୍ୱଶୁର ସୁବଳ ସାହୁ। &nbsp;ଏକ ପାଖିଆ &nbsp;ତଦନ୍ତ ନକରି ପୁଅ ଘର ପଟୁ ମଧ୍ୟ ତଦନ୍ତ କରିବାକୁ ସେ ଦାବି କରିଛନ୍ତି। ଅପରାଧୀ ଯେଭଳି ସୁଚିନ୍ତିତ ଢଙ୍ଗରେ ଷଡ଼ଯନ୍ତ୍ରକୁ କାର୍ଯ୍ୟକାରୀ କରିଛି ପୋଲିସର ଅକଲ ଗୁଡୁମ୍ ମାରିଛି। ତେବେ କେବେ ଓ କେମିତି ପୋଲିସ ଅଭିଯୁକ୍ତର ଚାଲାକି ଧରିବାରେ ସଫଳ ହେଉଛି ତାକୁ ସମସ୍ତଙ୍କ ଅପେକ୍ଷା।</p>