ବାଲୁଖଣ୍ଡ ଅଭୟାରଣ୍ୟକୁ ନିଶ୍ଚିହ୍ନ କରି ଦେଇଛି ‘ଫୋନି’!

<p>ପୁରୀ(ମଧୁସୂଦନ ମିଶ୍ର): &lsquo;ଫୋନି&rsquo;ରେ ସବୁଠୁ ଅଧିକ କ୍ଷତିଗ୍ରସ୍ତ ହୋଇଛି ପୁରୀ ଜିଲ୍ଲା। ଆଖିରେ ନ ଦେଖିଲେ ଏଠାରେ ହୋଇଥିବା କ୍ଷୟକ୍ଷତି ସଂପର୍କରେ କେହି ବିଶ୍ୱାସ କରିବେନି ବୋଲି କୁହାଯାଉଛି। ପୁରୀ ସହର ସହିତ ଗୋପ, ନିମାପଡ଼ା ଓ ବ୍ରହ୍ମଗିରି ଭୀଷଣ ଭାବେ କ୍ଷତିଗ୍ରସ୍ତ ହୋଇଛି। ସେହିପରି &lsquo;ଫୋନି&rsquo; ତାଣ୍ଡବରୁ ବର୍ତ୍ତି ପାରିନି ବାଲୁଖଣ୍ଡ ଅଭୟାରଣ୍ୟ।</p> <p>ସବୁଜ ଜଙ୍ଗଲରେ ଭରପୂର ଥିବା ଏହି ଅଭୟାରଣ୍ୟ ସତେ ଯେମିତି ମାଟିରେ ମିଶିଯାଇଛି। ଏହା ଏବେ ମରୁଭୂମି ଭଳି ଦେଖାଯାଉଛି। ଅଭୟାରଣ୍ୟରେ ଥିବା ଲକ୍ଷ ଲକ୍ଷ ଗଛ ମୁହଁମାଡ଼ି ତଳେ ପଡ଼ିଛନ୍ତି।</p> <p>(image) ଏମିତିକି ବାଲୁଖଣ୍ଡ ଅଭୟାରଣ୍ୟରେ ରହୁଥିବା ୪୦୦୦ରୁ ଅଧିକ ବିରଳ ଚିତ୍ରା ହରିଣଙ୍କ ସଂପର୍କରେ ଠୋସ୍&zwnj; ଖବର ମିଳୁନାହିଁ। ରାସ୍ତା ନଥିବାରୁ ଅଭୟାରଣ୍ୟ ଭିତରକୁ ବନ ଅଧିକାରୀ ବି ଯାଇପାରୁନାହାନ୍ତି।</p> <p>(image) ବାଲୁଖଣ୍ଡ ଅଭୟାରଣ୍ୟ ଏସିଏଫ୍ ବିରଞ୍ଚି ନାରାୟଣ ସାମଲ କହିଛନ୍ତି,&ldquo;ଆମର ଏ ଜଙ୍ଗଲ ସମ୍ପୂର୍ଣ୍ଣ ଭାବେ ଉଜୁଡ଼ି ଯାଇଛି। ପ୍ରାୟ ସବୁ ଗଛ ଭାଙ୍ଗି ଯାଇଛି। ପାଖାପାଖି ୭୦ରୁ ୮୦ ଲକ୍ଷ ଗଛ ଧରାଶାୟୀ ହୋଇଯାଇଛି। ମାତ୍ର ୨ରୁ ୩ ପ୍ରତିଶତ ଗଛ ରହିଛି।&rdquo;</p> <p>(image) ଚିତ୍ରା ହରିଣଙ୍କ ସଂପର୍କରେ ସୂଚନା ଦେଇ ସେ କହିଛନ୍ତି,&ldquo;ବାଲୁଖଣ୍ଡ ଅଭୟାରଣ୍ୟ ଭିତରେ ଥିବା ନେଚର୍&zwnj; କ୍ୟାମ୍ପକୁ ଆମ ବରିଷ୍ଠ ଅଧିକାରୀ ଯାଇଥିଲେ। ସେଠାରେ ବହୁ ପରିମାଣରେ ହରିଣ ଥିବା ସେ ଦେଖିଛନ୍ତି। ତେବେ ହରିଣ ମୃତାହତ ହୋଇଥିବା ଆମ ନଜରକୁ ଆସି ନାହିଁ।&rdquo;</p> <p>https://www.youtube.com/watch?v=jmY5Pq7o7Fg</p>