ଚାଲିଗଲେ ଶିଳ୍ପ ଜଗତର ଭୀଷ୍ମ ପିତାମହ, ବିଶିଷ୍ଟ ଶିଳ୍ପପତି ବଂଶୀଧର ପଣ୍ଡା ଆଉ ନାହାନ୍ତି

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ବିଶିଷ୍ଟ ଶିଳ୍ପପତି ବଂଶୀଧର ପଣ୍ଡାଙ୍କ ପରଲୋକ। ଭୁବନେଶ୍ୱର ସ୍ଥିତ ବାସଭବନରେ ତାଙ୍କର ୮୭ ବର୍ଷରେ ପରଲୋକ ଘଟିଛି। ୧୯୩୨ ମସିହା ନଭେମ୍ବର ୨୬ ତାରିଖରେ ସେ ଜନ୍ମ ଗ୍ରହଣ କରିଥିଲେ। &nbsp;ସେ ଖାଲି ଓଡ଼ିଶା ନୁହେଁ ଭାରତୀୟ ଶିଳ୍ପ ଜଗତରେ ଜଣେ ବେଶ୍ ଜଣାଶୁଣା ନାଁ ଥିଲେ। ତାଙ୍କ ଉଦ୍ୟମରେ ଅବିଭକ୍ତ କୋରାପୁଟ ଜିଲ୍ଲାରେ ୧୯୬୧ ମସିହାରେ ସେ ପ୍ରତିଷ୍ଠା କରିଥିଲେ ରାଜ୍ୟର ସର୍ବ ବୃହତ ଫେରୋ ଆଲଏଜ୍ କାରଖାନା-ଇମ୍ଫା। ଯାହା ଆଜି ସାରା ବିଶ୍ୱରେ ପରିଚିତ। ଶିଳ୍ପପତି ସହ ସେ ଏକାଧାରାରେ ଜଣେ ବୈଜ୍ଞାନିକ ମଧ୍ୟ ଥିଲେ। ତାଙ୍କ ପରଲୋକରେ ଶିଳ୍ପ ଜଗତରେ ଶୋକର ଛାୟା ଖେଳିଯାଇଛି।</p> <p>&lt;a href=&quot;&quot;&gt;(image) &lt;/a&gt;ଏପରିକି ସେ ଉତ୍କଳ ଚାମ୍ବର ଅଫ କମର୍ସର ପୂର୍ବତନ ଅଧ୍ୟକ୍ଷ ଥିଲେ॥ ଓଡ଼ିଶାର ଶିଳ୍ପବିକାଶ କ୍ଷେତ୍ରରେ ତାଙ୍କର &nbsp;ଅବଦାନ ଅତୁଳନୀୟ। ଓଡ଼ିଶାର ପୂର୍ବତନ ମୁଖ୍ୟମନ୍ତ୍ରୀ&nbsp; ବିଜୁପଟ୍ଟନାୟକଙ୍କ ସହ ତାଙ୍କ ସମ୍ପର୍କ ଘନିଷ୍ଟ ଥିଲା। ବିଜୁ ପଟ୍ଟନାୟକ ୧୯୬୧ ମସିହାରେ ଓଡ଼ିଶାର ମୁଖ୍ୟମନ୍ତ୍ରୀ ହେବା ପରେ ରାଜ୍ୟରେ ଶିଳ୍ପ ପ୍ରତିଷ୍ଠା ପାଇଁ ବଂଶୀଧରଙ୍କୁ ସେ ନିମନ୍ତ୍ରଣ କରିଥିଲେ। ସେତେବେଳେ ବଂଶୀଧର&nbsp;ଆମେରିକାର ନାସାରେ ଜଣେ ବୈଜ୍ଞାନିକ ଭାବରେ କାର୍ଯ୍ୟରତ ଥିଲେ । ଓଡ଼ିଶାର ଶିଳ୍ପସମୃଦ୍ଧକୁ ନେଇ ସ୍ଵପ୍ନ ଦେଖିଥିବା ବଂଶୀଧର ବିଜୁ ବାବୁଙ୍କ ନିମନ୍ତ୍ରଣ ରକ୍ଷାକରି ନିଜ ଚାକିରି ଛାଡି ଓଡ଼ିଶା ଫେରିଆସିଥିଲେ ।</p> <p>&lt;a href=&quot;http://odishareporter.in/wp-content/uploads/2018/05/vlcsnap-2018-05-22-13h02m51s111.png&quot;&gt;(image) &lt;/a&gt;୧୯୬୧ ମସିହାରେ ଅବିଭକ୍ତ କୋରାପୁଟ ଜିଲ୍ଲାର(ବର୍ତ୍ତମାନ ରାୟଗଡ଼ା) ଥେରୁବାଲି &nbsp;ଇମ୍ଫା ପ୍ରତିଷ୍ଠା କରିଥିଲେ । ଏହାହ ଧୀରେ ଧୀରେ ଉନ୍ନତି ପଥରେ ଅଗ୍ରସର ହୋଇ ଓଡ଼ିଶାର ନିଜସ୍ଵ ବୃହତ୍ତ ଶିଳ୍ପର ମାନ୍ୟତା ପାଇପାରିଛି। ଇମ୍ଫା ବହୁ ଲୋକଙ୍କୁ ନିଯୁକ୍ତି ଦେବା ସହ ପାରିପାର୍ଶିକ ବହୁ ଲୋକଙ୍କ ଜୀବନମାନରେ ଉନ୍ନତି ଆଣିବାରେ ସକ୍ଷମ ହୋଇପାରିଥିଲା। ବଂଶୀଧର କେବଳ ଜଣେ ଶିଳ୍ପପତି ନ ଥିଲେ, ସମାଜର ଅନଗ୍ରସର ବର୍ଗର ଉନ୍ନତି ନିମନ୍ତେ ଅନେକ ଜନହିତକର କାର୍ଯ୍ୟ କରିଛନ୍ତି। ୨୦୧୧ରେ &#039;ବଂଶୀଧର ଇଲା ପଣ୍ଡା ଫାଉଣ୍ଡେସନ&#039; ପ୍ରତିଷ୍ଠାକରି ସେ ଏ ଦିଗରେ କାର୍ଯ୍ୟ ଜାରି ରଖିଥିଲେ। &nbsp;ତାଙ୍କ ପୃଷ୍ଟପୋଷକତାରେ ପ୍ରତିବର୍ଷ&nbsp;ଶାରଳା ପୁରସ୍କାର ଏବଂ ଏକଲବ୍ୟ ପୁରସ୍କାର&nbsp;ଆଦି ପ୍ରଦାନ କରାଯାଇ ଆସୁଛି।</p> <p>https://youtu.be/clZfIRMhb3c</p>