ବନ୍ୟା ଯୋଗୁଁ ୫ଟି ଜିଲ୍ଲାର ୪ ଲକ୍ଷ ଲୋକ ପ୍ରଭାବିତ

ଭୁବନେଶ୍ୱର: ବୈତରଣୀ ଓ ସୁବର୍ଣ୍ଣରେଖା ନଦୀରେ ଆସିଥିବା ବନ୍ୟାରେ ରାଜ୍ୟର ୫ଟି ଜିଲ୍ଲା ଯାଜପୁର, ବାଲେଶ୍ୱର, ଭଦ୍ରକ, କେନ୍ଦୁଝର ଓ ମୟୂରଭଞ୍ଜ ଜିଲ୍ଲା ପ୍ରଭାବିତ ହୋଇଛି । ଏସଆରସି ଜିଭିଭି ଶର୍ମା ବନ୍ୟା ସମ୍ପର୍କରେ ସୂଚନା ଦେଇ କହିଛନ୍ତି ଯେ, ବନ୍ୟା ଦ୍ୱାରେ ଏହି ୫ଟି ଜିଲ୍ଲାର ୪ ଲକ୍ଷ ଲୋକ ପ୍ରଭାବିତ ହୋଇଛନ୍ତି । ବାଲେଶ୍ୱରରେ ୪, ଭଦ୍ରକରେ ୨ ଓ ଯାଜପୁରରେ ୩ଟି ବ୍ଲକ ପ୍ରଭାବିତ ହୋଇଛି । ଯାଜପୁର ଜିଲ୍ଲାରେ ୩ଟି ଓ ବାଲେଶ୍ୱର ଜିଲ୍ଲାରେ ଗୋଟିଏ ଘାଇ ସୃଷ୍ଟି ହୋଇଛି । ଉଦ୍ଧାର କାର୍ଯ୍ୟରେ ଏନଡିଆରଏଫର ଗୋଟିଏ ଓ ଓଡ୍ରାଫର ୫ଟି ଟିମ ନିୟୋଜିତ ହୋଇଛନ୍ତି । ସେହିପରି ଉଦ୍ଧାର ଓ ରିଲିଫ କାର୍ଯ୍ୟରେ ୯୦ଟି ବୋଟ ନିୟୋଜିତ ହୋଇଛି । ବିଭିନ୍ନ ସ୍ଥାନରେ ସୃଷ୍ଟି ହୋଇଥିବା ଘାଇକୁ ଦୁଇଦିନ ମଧ୍ୟରେ ମରାମତି କରାଯିବ ବୋଲି ଏସଆସି ଜିଭିଭି ଶର୍ମା କହିଛନ୍ତି ।