ଲୁଟେରା ସାଜିଲା ପୁଲିସ୍‌: ଯାଞ୍ଚ ବାହାନାରେ ଲୁଟି ନେଲେ ୪.୫୦ ଲକ୍ଷ ଟଙ୍କା !

<p>ବରଗଡ଼(ଓଡ଼ିଶା ରିପୋର୍ଟର): ଖାକି ପୋଷାକରେ ଲାଗିଛି କଳଙ୍କର ଛିଟା। ଜଣେ ବ୍ୟକ୍ତିଙ୍କୁ ଅଟକାଇ ପୁଲିସ୍&zwnj; ଲୁଟ୍ କରିଥିବା ଅଭିଯୋଗ ହୋଇଛି। ଏପରି ଅଭିଯୋଗ ଆସିଛି ବରଗଡ଼ ପୁଲିସ୍&zwnj; ବିରୋଧରେ।</p> <p>ଅଭିଯୋଗ ଆସିବା ପରେ ଅଭିଯୁକ୍ତ ପୁଲିସ୍&zwnj; କର୍ମଚାରୀଙ୍କୁ ବରଗଡ଼ ସଦର ଥାନା ପୁଲିସ୍&zwnj; ଅଟକ ରଖିଛି।</p> <p>ଗତ ରବିବାର ଦିନ ବରଗଡ ଜିଲ୍ଲା ପାଇକମାଲ ଗ୍ରାମର ନନ୍ଦଲାଲ ପ୍ରସାଦ କୋଲକାତା ଯାଉଥିଲେ। ଯାଞ୍ଚ ନାମରେ ବରଗଡ଼ ପିସିଆର ଭ୍ୟାନ୍&zwnj;ର କେତେକ ପୁଲିସ୍&zwnj; କର୍ମଚାରୀ ସ୍ଥାନୀୟ ଭଟଲି ଛକ ନିକଟରେ ତାଙ୍କୁ ଅଟକାଇ ସାଢେ ଚାରି ଲକ୍ଷ ଟଙ୍କା ଲୁଟି ନେଇଥିବା ଅଭିଯୋଗ ହୋଇଛି।</p> <p>ନନ୍ଦଲାଲଙ୍କ ଅଭିଯୋଗକୁ ଭିତ୍ତି କରି ସଦର ଥାନାରେ ଏକ ମାମଲା ରୁଜୁ କରାଯାଇଛି। ଏହି ଘଟଣାର ତଦନ୍ତ ଜାରି ରହିଥିବା ବରଗଡ ଏସଡିପିଓ ସୁରେଶ ଚନ୍ଦ୍ର ନାୟକ କହିଛନ୍ତି।</p>