ଲୋକାର୍ପିତ ହେଲା ଭୁବନେଶ୍ୱର ନ୍ୟୁ ରେଳ ଷ୍ଟେସନ୍

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଭୁବନେଶ୍ୱର ନ୍ୟୁ ରେଳ ଷ୍ଟେସନ୍ ଆଜି ଲୋକାର୍ପିତ ହୋଇଛି। କେନ୍ଦ୍ରମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଏହାର ଲୋକାର୍ପଣ କରିଛନ୍ତି। ଭୁବନେଶ୍ୱର ମୁଖ୍ୟ ଷ୍ଟେସନ୍&zwnj;ରେ ଯାତ୍ରୀ ଭିଡ଼ କମାଇବା ଏବଂ ଏକ ଅର୍ନ୍ତଜାତୀୟ ସ୍ତରର ଷ୍ଟେସନ୍&zwnj;ର ଆବଶ୍ୟକତା ପୂରଣ ପାଇଁ ବାରଙ୍ଗ ନିକଟରେ &lsquo;ଭୁବନେଶ୍ୱର ନ୍ୟୁ ରେଳଷ୍ଟେସନ&rsquo; ନିର୍ମାଣ କରାଯାଇଛି।</p> <p>ବାରଙ୍ଗ-ମଞ୍ଚେଶ୍ୱର ରେଳ ଷ୍ଟେସନ୍ ମଝିରେ ଥିବା ଏହି ନୂଆ ଷ୍ଟେସନ୍&zwnj;ରୁ ପ୍ରଥମ ପର୍ଯ୍ୟାୟରେ ତିନୋଟି ପାସେଞ୍ଜର୍ ଟ୍ରେନ୍&zwnj; ଯା&rsquo;ଆସ କରିବ। ନ୍ୟୁ ଭୁବନେଶ୍ୱର ଷ୍ଟେସନରେ ୬ଟି ପ୍ଳାଟଫର୍ମ ରହିଛି। ଏକକାଳୀନ ଟ୍ରେନ୍ ରହଣି ପାଇଁ ମଧ୍ୟ ବନ୍ଦୋବସ୍ତ କରାଯାଇଛି। ପରୀକ୍ଷାମୂଳକ ଭାବେ ଏହି ଷ୍ଟେସନରେ ଏବେ ୩ଟି ଯାତ୍ରୀବାହୀ ଟ୍ରେନ୍ ରହିବ। ସେଗୁଡ଼ିକ ହେଉଛି ହାଓ୍ୱଡ଼ା-ପୁରୀ ସନ୍ତ୍ରାଗାଛି, ରାଉରକେଲା-ପୁରୀ-ରାଉରକେଲା ପାସେଞ୍ଜର ଏବଂ କଟକ-ବ୍ରହ୍ମପୁର-କଟକ ମେମୁ ଟ୍ରେନ୍।</p> <p>ମୁଖତଃ ପଟିଆ, ରଘୁନାଥପୁର, ଚନ୍ଦ୍ରଶେଖରପୁର ଓ ବାରଙ୍ଗ ଅଞ୍ଚଳର ଲୋକଙ୍କୁ ଏହି ଅତ୍ୟାଧୁନିକ ଷ୍ଟେସନର ସୁଫଳ ମିଳିବ।&nbsp; ଏହାସହ ରଥଯାତ୍ରା ପୂର୍ବରୁ ରେଳ ଷ୍ଟେସନ୍ ଉଦ୍&zwnj;ଘାଟନ ହେଉଥିବା ଯୋଗୁଁ ବହୁ ସଂଖ୍ୟାରେ ଲୋକ ଉପକୃତ ହେବେ। ଏହାସହ ନିକଟରେ ନନ୍ଦନକାନନ ଥିବା ଯୋଗୁଁ ପର୍ଯ୍ୟଟକଙ୍କ ସଂଖ୍ୟା ବଢ଼ିବ ବୋଲି ଆଶା କରାଯାଉଛି। ୨୦୧୨&nbsp; ମସିହାରେ ନ୍ୟୁ ଭୁବନେଶ୍ୱର ଷ୍ଟେସନର ନିର୍ମାଣ କାର୍ଯ୍ୟ ଆରମ୍ଭ ହୋଇଥିଲା।</p> <p>ଭୁବନେଶ୍ୱର ନ୍ୟୁ ରେଳ ଷ୍ଟେସନ ଲୋକାର୍ପଣ ସହ ଭିଡିଓ କନଫରେନ୍ସିଂ ଜରିଆରେ ଏକାଧିକ ପ୍ରକଳ୍ପ ଉଦଘାଟିତ ହୋଇଛି।&nbsp; ଭୁବନେଶ୍ୱର ଷ୍ଟେସନରେ ତୃତୀୟ ଫୁଟ୍ ଓଭରବ୍ରିଜ୍ ଓ ଖୋର୍ଦ୍ଧା ରୋଡ୍ ଷ୍ଟେସନରେ ମେମୁ ସେଡ୍&zwnj;ର ଉଦଘାଟନ ଓ ରଥଯାତ୍ରା ମୋବାଇଲ୍ ଆପ୍&zwnj;ର ଶୁଭାରମ୍ଭ କରାଯାଇଛି।</p>