ବିଜେପୁରରେ କଂଗ୍ରେସର ପ୍ରାର୍ଥୀ ହେଲେ ପ୍ରଣୟ ସାହୁ, ରିପୁନାଥ ନିରାଶ

<p>ଭୁବନେଶ୍ୱର(ଓଡିଶା ରିପୋର୍ଟର): &nbsp;ଦୀର୍ଘ ଦିନର ଟଣାଓଟରା ପରେ ବିଜେପୁର ଉପ ନିର୍ବାଚନ ଲାଗି ପ୍ରାର୍ଥି&nbsp; ଘୋଷଣା କରିଛି କଂଗ୍ରେସ। ଗାଇସିଲେଟ୍ ବ୍ଲକର ଉପାଧ୍ୟକ୍ଷ ଥିବା ପ୍ରଣୟ ସାହୁଙ୍କ&nbsp; ନାଁରେ ଆଜି ମୋହର ଲଗାଇଛି AICC।&nbsp; ବିଜେଡି ଓ ବିଜେପିକୁ କାଉଣ୍ଟର&nbsp; ପାଇଁ ଦଳ ମୈଦାନକୁ ଆଣିଛି ନୂଆ ଚେହରା । ଆଉ ବିଜେପୁର ମୈଦାନରେ&nbsp; ତୃତୀୟ ଯୋଦ୍ଧାଙ୍କ ଆବିର୍ଭାବ ପରେ ଉପନିର୍ବାଚନ ଲାଗି ତ୍ରିମୁଖୀ ଲଢ଼େଇ&nbsp; ଜୋରଦାର ହେବାର ସଙ୍କେତ ମିଳିଛି ।</p> <p>ସୂଚନାଯୋଗ୍ୟ, ବିଜେପୁର ଉପ ନିର୍ବାଚନ ପାଇଁ କଂଗ୍ରେସ ନୂଆ କାର୍ଡ ଖେଳି ମୈଦାନକୁ ଆଣିଛି ପ୍ରଣୟଙ୍କୁ। ନାମାଙ୍କନ&nbsp; ଦାଖଲ ଡେଡଲାଇନର ମାତ୍ର ଦୁଇ ଦିନ ପୂର୍ବରୁ ଗାଇସିଲେଟ ବ୍ଲକର ଉପାଧ୍ୟକ୍ଷ&nbsp; ପ୍ରଣୟ ସାହୁଙ୍କ ନାଁରେ ମୋହର ମାରିଛି AICC। ବିଜେପୁରରେ କଂଗ୍ରେସର&nbsp; ପ୍ରାର୍ଥୀ କିଏ ହେବେ ସେ ନେଇ ଚୂଡାନ୍ତ ନିଷ୍ପତ୍ତି ନେବାକୁ ନାକେଦମ ହୋଇଥିଲା&nbsp; ଦଳ। ଏ ମାମଲାରେ ବିଜେଡି ଆଉ ବିଜେପିଠୁ ବ୍ୟାକଫୁଟରେ ରହିଥିଲା&nbsp; କଂଗ୍ରେସ। ଏପଟେ ବିଜେପୁର ପାଇଁ କଂଗ୍ରେସ ପ୍ରାର୍ଥୀ ଲାଗି ଫାଇନାଲ&nbsp; ରାଉଣ୍ଡରେ ଥିଲା ଉଭୟ ପ୍ରଣୟ ଆଉ ରିପୁନାଥଙ୍କ ନାଁ । ହେଲେ ଦଳର ଦୁଇଟି&nbsp; ଯାକ କମିଟିର ରିପୋର୍ଟ ପ୍ରଣୟ ସାହୁଙ୍କ ସପକ୍ଷରେ ଯାଇଥିଲା । ଆଉ ସେହି&nbsp; ଆଧାରରେ ହିଁ ପ୍ରଣୟଙ୍କ ଉପରେ ଭରଷା କରିଛି ଦଳ। &nbsp;ସେପଟେ ପ୍ରଣୟଙ୍କ ନାଁ&nbsp; ଘୋଷଣା ପରେ ଅନ୍ୟତମ ଦାବିଦାର ଥିବା ରିପୁନାଥଙ୍କ ଆଭିମୁଖ୍ୟ କଣ&nbsp; ରହିବ ଏବେ ତା ଉପରେ ସମସ୍ତଙ୍କ ନଜର</p> <p>ଦୁଇ ଦିନ ତଳେ ବିଶାଳ ରୋଡ୍ ସୋ କରି ପ୍ରଭାବଶାଳୀ ଢଙ୍ଗରେ ନାମାଙ୍କନପତ୍ର ଦାଖଲ କରିଥିଲେ ବିଜେପିର ଅଶୋକ&nbsp; ପାଣିଗ୍ରାହୀ। ଏପଟେ ଆସନ୍ତାକାଲି ବିଜେପିର ବିଶାଳ ଆୟୋଜନକୁ କାଉଣ୍ଟର&nbsp; କଲା ଭଳି ବିଜେଡି ବି ରୀତା ସାହୁଙ୍କ ପାଇଁ ସେହିଭଳି କିଛି ଆୟୋଜନ&nbsp; ଯୋଜନାରେ ରହିଛି । ସେପଟେ ପ୍ରାର୍ଥିପତ୍ର ଦାଖଲର ଶେଷ ଦିନ ଅର୍ଥାତ,&nbsp; ମଙ୍ଗଳବାର କଂଗ୍ରେସରୁ ପ୍ରଣୟ ସାହୁ ନାମାଙ୍କନ ଦାଖଲ କରିବାକୁ ଯୋଜନା କରାଯାଉଥିବା ଖବର ମିଳିଛି।</p>