ଖୋର୍ଦ୍ଧା(ବଳରାମ ଲେଙ୍କା): ମାର୍କେଟିଂ ସାରି ଘରକୁ ଫେରୁଥିବା ବେଳେ ଅଜଣା ଗାଡ଼ି ଧକ୍କା ଦେଲା। ଫଳରେ ଦମ୍ପତିଙ୍କ ମୃତ୍ୟୁ ଘଟିଛି। ଆଜି ସନ୍ଧ୍ୟା ବେଳେ ଏପରି ମର୍ମନ୍ତୁଦ ସଡ଼କ ଦୁର୍ଘଟଣା ଖୋର୍ଦ୍ଧାର ତାପଙ୍ଗ ନିକଟ OCC ଛକରେ ଘଟିଛି। ବର୍ତ୍ତମାନ ସୁଦ୍ଧା ଦୁର୍ଘଟଣା ଘଟାଇଥିବା ଗାଡ଼ି ସମ୍ପର୍କରେ ପତ୍ତା ମିଳିପାରି ନାହିଁ।
ଆଜି ସଞ୍ଜ ବେଳେ ହାଡ଼ପଦା ଗାଁର ବିକାଶ ଶ୍ରୀନ୍ଦନ ଓ ତାଙ୍କ ପତ୍ନୀ ନଳିନୀ ଶ୍ରୀଚନ୍ଦନ ମାର୍କେଟିଂ କରିବା ପାଇଁ ଖୋର୍ଦ୍ଧା ଯାଇଥିଲେ। ମାର୍କେଟିଂ ସାରି ବାଇକ୍ରେ ଫେରୁଥିବା ବେଳେ ତାପଙ୍ଗ ନିକଟ OCC ଛକରେ ଦୁର୍ଘଟଣାରେ ଶିକାର ହୋଇଥିଲେ। ଏକ ଅଜଣା ଗାଡ଼ି ସେମାନଙ୍କ ବାଇକ୍କୁ ଧକ୍କା ଦେଇଥିଲା। ସ୍ୱାମୀ ଓ ସ୍ତ୍ରୀ ରକ୍ତାକ୍ତ ଅବସ୍ଥାରେ ରାସ୍ତାରେ ପଡ଼ିଥିଲେ।
ସ୍ଥାନୀୟ ଲୋକେ ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରି ମେଡିକାଲ୍ରେ ଭର୍ତ୍ତି କରିଥିଲେ। ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।