ଖୋର୍ଦ୍ଧା (ବଳରାମ ଲେଙ୍କା): ସ୍ୱାମୀ ଓ ସ୍ତ୍ରୀ ଖୁସିରେ ବାଇକ୍ରେ ଗାଁକୁ ଫେରୁଥିଲେ। ହେଲେ ଅଧା ରାସ୍ତାରେ ଧକ୍କା ଦେଲା ମିନିଟ୍ରକ୍। ଫଳରେ ସ୍ୱାମୀ ଓ ସ୍ତ୍ରୀଙ୍କ ମୃତ୍ୟୁ ଘଟିଛି। ଆଜି ଏମିତି ମର୍ମନ୍ତୁଦ ସଡ଼କ ଦୁର୍ଘଟଣା ଖୋର୍ଦ୍ଧାରେ ଘଟିଛି।
ରଣପୁର ଗୁଡ଼ିମରା ଗାଁର ବାବୁଲା ପ୍ରଧାନ ଓ ତାଙ୍କ ପତ୍ନୀ ବାଇକ୍ରେ ଭୁବନେଶ୍ୱରରୁ ଘରକୁ ଫେରୁଥିଲେ। ନୂଆ ଜଗନ୍ନାଥ ସଡ଼କର ସିକୋଠାରୁ ଏକ ମିନିଟ୍ରକ୍ ସେମାନଙ୍କୁ ଧକ୍କା ଦେଇଥିଲା। ଫଳରେ ସ୍ୱାମୀ ଓ ସ୍ତ୍ରୀ ଗୁରୁତର ଆହତ ହୋଇଥିଲେ। ସେମାନଙ୍କୁ ଗୁରୁତର ଅବସ୍ଥାରେ ଉଦ୍ଧାର କରାଯାଇ ଖୋର୍ଦ୍ଧା ମୁଖ୍ୟ ଚିକିତ୍ସାଳୟରେ ଭର୍ତ୍ତି କରାଯାଇଥିଲା। ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଛନ୍ତି।
ଦୁର୍ଘଟଣା ଘଟାଇଥିବା ମିନିଟ୍ରକ୍କୁ ଜଙ୍କିଆ ଥାନା ପୁଲିସ ଜବତ କରି ଘଟଣାର ତଦନ୍ତ ଆରମ୍ଭ କରିଛି।