କେନ୍ଦ୍ରର ‘ଆୟୁଷ୍ମାନ ଭାରତ’କୁ ଓଡ଼ିଶାର ରେଡ୍ ସିଗନାଲ୍

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ମୋଦି ସରକାରଙ୍କ ଫ୍ଲାଗସିପ୍ ପ୍ରୋଗାମ୍ &lsquo;ଆୟୁଷ୍ମାନ ଭାରତ&rsquo;କୁ ଓଡ଼ିଶାର ରେଡ୍ ସିଗନାଲ୍। ଦିନକ ତଳେ &lsquo;ବିଜୁ ସ୍ୱାସ୍ଥ୍ୟ କଲ୍ୟାଣ&rsquo; ଯୋଜନା ଘୋଷଣା କରିଥିବା ରାଜ୍ୟ ସରକାର ଆଜି କେନ୍ଦ୍ର ସରକାରଙ୍କ &lsquo;ଆୟୁଷ୍ମାନ ଭାରତ&rsquo; ଯୋଜନାରେ ରାଜ୍ୟ ସାମିଲ ହୋଇପାରିବ ନାହିଁ ବୋଲି ଖୋଲାଖୋଲି ଭାବେ କହିଛି। ରାଜ୍ୟ ଦାବିକୁ କେନ୍ଦ୍ର ଗ୍ରହଣ କରି ନ ଥିବାରୁ କେନ୍ଦ୍ର ସହ ଏମ୍ଓୟୁ କରିବ ନାହିଁ ବୋଲି ରାଜ୍ୟ କହିଛି। ସୋସିଓ ଇକୋନୋମିକ୍ କାଷ୍ଟ ସେନସସ୍-୨୦୧୧ ଅନୁସାରେ ଆୟୁଷ୍ମାନ ଭାରତ ଯୋଜନାରେ ରାଜ୍ୟର ୬୧ ଲକ୍ଷ ପରିବାର ଅନ୍ତର୍ଭୁକ୍ତ କରିବାକୁ କେନ୍ଦ୍ର ସ୍ଥିର କରିଥିଲା। ୭୦ ଲକ୍ଷ ପରିବାରକୁ ଏଥିରେ ସାମିଲ କରାଯାଉ ବୋଲି ରାଜ୍ୟର ଦାବି ଥିଲା। ଯାହାକୁ କେନ୍ଦ୍ର ଗ୍ରହଣ କରି ନ ଥିଲା। ଏହାସହ &lsquo;ଆୟୁଷ୍ମାନ ଭାରତ&rsquo;&nbsp; ଯୋଜନା କେବେଠୁ କାର୍ଯ୍ୟକାରୀ ହେବ ସେନେଇ ତାରିଖ ଧାର୍ଯ୍ୟ ହୋଇ ନାହିଁ ବୋଲି ରାଜ୍ୟ କହିଛି।</p> <p>ରାଜ୍ୟ ସରକାର ଘୋଷଣା କରିଥିବା &lsquo;ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନା&rsquo;ରେ &zwnj;ଆୟୁଷ୍ମାନ ଭାରତଠାରୁ ଅଧିକ ସୁବିଧା ରହିଥିବା ରାଜ୍ୟ ଯୁକ୍ତି ରଖିଛି। ବିଜେପି କିନ୍ତୁ ରାଜ୍ୟ ସରକାରଙ୍କ ନିଷ୍ପତ୍ତିକୁ କଡ଼ା ସମାଲୋଚନା କରିଛି। କଂଗ୍ରେସ ଉଭୟ ରାଜ୍ୟ ଓ କେନ୍ଦ୍ରକୁ ସମାଲୋଚନା କରି ଭୋଟ୍ ପାଇଁ ଏସବୁ ଯୋଜନା କରାଯାଇଥିବା କହିଛି।</p> <p>ଏବେ ପ୍ରଶ୍ନ ଉଠୁଛି କାହିଁକି &lsquo;ଆୟୁଷ୍ମାନ ଭାରତ&rsquo; ଯୋଜାନକୁ ନା କହିଲେ ରାଜ୍ୟ ସରକାର? ବିଜେପି ଏହି ଯୋଜନାରୁ କାଳେ ଅଧିକ ମାଇଲେଜ୍ ନେଇଯିବ ସେଇ ଭୟରେ ମନା କଲେ କି ?&nbsp; ଅନ୍ୟପକ୍ଷରେ &lsquo;ଆୟୁଷ୍ମାନ&nbsp; ଭାରତ&rsquo;କୁ ମନା କରିବା ପରେ ଓଡ଼ିଶା କେନ୍ଦ୍ରୀୟ ଅନୁଦାନ ପାଇବାରୁ ବଞ୍ଚିତ ହେବ, ଏହାସହ ନିଜସ୍ୱ ଯୋଜନା ପାଇଁ ରାଜ୍ୟ ରାଜକୋଷ ଉପରେ ଅଧିକ ବୋଝ ପଡ଼ିବ ବୋଲି କୁହାଯାଉଛି।</p> <p>ରାଜ୍ୟରେ ସ୍ୱାସ୍ଥ୍ୟ ଭିତ୍ତିଭୂମି ଅନେକ ଅଞ୍ଚଳରେ ଦୁର୍ବଳ ରହିଛି। ସେସବୁ ଅଞ୍ଚଳରେ ଲୋକଙ୍କୁ ଯୋଜନାରୁ କେତେ ଲାଭ ମିଳିବ? ବିଜୁ ସ୍ୱାସ୍ଥ୍ୟ କଲ୍ୟାଣ ଯୋଜନାରେ ସାଢ଼େ ୩ କୋଟି&nbsp; ଲୋକଙ୍କୁ ସାମିଲ କରି ବିଜେଡି ନିଜର ଭୋଟ୍ ବ୍ୟାଙ୍କକୁ ମଜଭୁତ୍ କରିବାକୁ ଯୋଜନା କରିଥିବା ଚର୍ଚ୍ଚା ହେଉଛି।</p>