ବିଡିଓଙ୍କୁ ତାଲା ପକାଇଲେ ବିଜେଡି ନେତା

<p>ଫୁଲବାଣୀ (ତ୍ରିନାଥ ସାହୁ): ଆଦିବାସୀ ଅଧ୍ୟୁଷିତ ଅଞ୍ଚଳରେ ବିଜେଡି ନେତାଙ୍କ ଦବଙ୍ଗ୍&zwnj;ଗିରି ଦେଖିବାକୁ ମିଳିଛି। ଜଣେ ବିଜେଡି ନେତା ବିଡିଓଙ୍କୁ କାର୍ଯ୍ୟାଳୟ ଭିତରେ ତାଲା ପକାଇବା ସହ ଧମକ ଚମକ ଦେଇଥିବା ଅଭିଯୋଗ ହୋଇଛି। ଏଭଳି ସାଂଘାତିକ ଅଭିଯୋଗ ଆସିଛି କନ୍ଧମାଳ ଜିଲ୍ଲାରୁ। ଏହି ଅଭିଯୋଗ କରିଛନ୍ତି କୋଟଗଡ଼ ବ୍ଲକର ବିଡିଓ ହୃଦ ରଞ୍ଜନ ସାହୁ। କନ୍ଧମାଳ ସାଂସଦଙ୍କ ପ୍ରତିନିଧି ତଥା କୋଟଗଡ଼ର ବିଜେଡି ନେତା ମନୋଜ କୁମାର ସାବତଙ୍କ ବିରୋଧରେ ସେ ଏହି ଅଭିଯୋଗ କରିଛନ୍ତି।</p> <p>[caption id=&quot;attachment_256642&quot; align=&quot;aligncenter&quot; width=&quot;1073&quot;]&lt;a href=&quot;&quot;&gt;(image) &lt;/a&gt; &lt;span style=&quot;color: #ff0000;&quot;&gt;ବିଡିଓ ହୃଦ ରଞ୍ଜନ ସାହୁ&lt;/span&gt;[/caption]</p> <p>ବିଡିଓ ହୃଦ ରଞ୍ଜନ ସାହୁ ଅଭିଯୋଗ କରିଛନ୍ତି ଯେ, ମନୋଜ ତାଙ୍କ କାର୍ଯ୍ୟାଳୟରେ ପଶି ଜୋର୍ ଜବରଦସ୍ତ ଦୁଇଟି କାମ ପାଇଁ ୬ ଲକ୍ଷ ଟଙ୍କାର ବିଲ୍ କରାଇ ଦେବାକୁ ଚାପ ପକାଇଥିଲେ। ତେବେ କାର୍ଯ୍ୟର ତଦାରଖ କରି ନଥିବାରୁ ବିଲ୍ କରିବାକୁ ସେ ମନା କରି ଦେଇଥିଲେ। ଦୁଇ ଦିନ ଭିତରେ କାର୍ଯ୍ୟର ତଦାରଖ କରି ବିଲ୍ କରି ଦେବେ ବୋଲି ସେ କହିଥିଲେ। କିନ୍ତୁ ମନୋଜ ତାଙ୍କୁ ତୁରନ୍ତ ବିଲ୍ କରିବାକୁ କହିଥିଲେ ଓ ପାଟିତୁଣ୍ଡ କରିଥିଲେ। କାମ ନ ହେଲା ପର୍ଯ୍ୟନ୍ତ ହଲାଇ ଦେବେନି ବୋଲି କହିଥିଲେ। ତା&rsquo;ପରେ ମନୋଜ ତାଙ୍କ ଅଫିସ୍&zwnj;ର ସିସିଟିଭି କ୍ୟାମେରାକୁ &nbsp;ବନ୍ଦ କରି ଦେଇ ତାଙ୍କୁ ତାଲା ପକାଇ ଦେଇଥିଲେ। ଏହା ସହ ତାଙ୍କୁ ଧମକ ମଧ୍ୟ ଦେଇଥିଲେ ବୋଲି ବିଡିଓ କହିଛନ୍ତି।</p> <p>ସୂଚନାଯୋଗ୍ୟ, ଗତ ୧୮ ତାରିଖରେ ବିଡିଓଙ୍କ ଅଫିସ୍&zwnj;ରେ ଏହି ଘଟଣା ଘଟିଥିଲା। ଏହି ଘଟଣା ସଂପର୍କରେ ବିଡିଓ ହୃଦ ରଞ୍ଜନ ସାହୁ ଜିଲ୍ଲାପାଳ ଡି. ବୃନ୍ଦାଙ୍କୁ ଅବଗତ କରାଇଛନ୍ତି।</p> <p>ତେବେ ଏହି ଅଭିଯୋଗ ସମ୍ପର୍କରେ ମନୋଜ କୁମାର ସାବତ କହିଛନ୍ତି,&ldquo;ବିଡିଓ ସଂପୂର୍ଣ୍ଣ ମିଛ କହୁଛନ୍ତି।&rdquo;</p> <p>https://www.youtube.com/watch?v=w8uGqriMUHM</p> <p>&amp;nbsp;</p> <p>&amp;nbsp;</p> <p>&amp;nbsp;</p> <p>&amp;nbsp;</p>