ସଂସଦରେ ଗର୍ଜିବ ବିଜେଡି

ଭୁବନେଶ୍ୱର: ବିଧାନସଭା ପରେ ସଂସଦରେ ବହିବ ମହାନଦୀ ବିବାଦ ଝଡ଼। ଟ୍ରିବ୍ୟୁନାଲ୍ ଗଠନକୁ କେନ୍ଦ୍ରର ଅଗ୍ରାହ୍ୟ ପରେ ସଂସଦରେ ଏହି ପ୍ରସଙ୍ଗକୁ ଜୋରସୋରରେ ଉଠାଇ ପ୍ରତିବାଦ କରିବ ବିଜେଡି।  ତେବେ ଏକାକୀ ନୁହେଁ, ସମଭାବାପନ୍ନ ଦଳମାନଙ୍କ ସହ ଆଲୋଚନା କରି ମହାନଦୀ ଓ ଅନ୍ୟାନ୍ୟ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ସଂସଦରେ ଉଠାଇବାକୁ ଆଜି ବସିଥିବା ବିଜେଡି ସଂସଦୀୟ ଦଳ ବୈଠକରେ ଷ୍ଟ୍ରାଟେଜୀ ପ୍ରସ୍ତୁତ ହୋଇଛି। ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ଅଧ୍ୟକ୍ଷତାରେ ନବୀନ ନିବାସରେ ବସିଥିବା ବିଜେଡି ସଂସଦୀୟ ଦଳ ବୈଠକରେ ଏ ନେଇ ରଣନୀତି ପ୍ରସ୍ତୁତ ହୋଇଛି।  ମହାନଦୀ ବିବାଦକୁ ନେଇ  ସଂସଦରେ  ମୁଲତବି ନୋଟିସ୍ ବି ଦେଇଛି ଦଳ।

ଆଜିର ବୈଠକରେ ଅନ୍ୟ ପ୍ରସଙ୍ଗକୁ ନେଇ ବି ମାନସମନ୍ଥନ ହୋଇଥିଲା।  ବିବାଦୀୟ ପୋଲଭାରମ ପ୍ରକଳ୍ପ କାମ ବନ୍ଦ, ରେଳ ପ୍ରକଳ୍ପ ନେଇ କେନ୍ଦ୍ରର ତତ୍ପରତାର ଅଭାବ, ଧାନର ସର୍ବନିମ୍ନ ସହାୟକ ମୂଲ୍ୟ ବୃଦ୍ଧି, ବିବାଦୀୟ ଦ୍ୱିତୀୟ ବ୍ରାହ୍ମଣୀ ସେତୁ ନିର୍ମାଣ, କୋଇଲା ରୟାଲିଟିରେ ସଂଶୋଧନ ନକରିବା ଓ  କେନ୍ଦ୍ରୀୟ ପବର୍ତ୍ତିତ ଯୋଜନାରେ କେନ୍ଦ୍ର-ରାଜ୍ୟର ଭାଗ ଭଳି ଅନେକ ପ୍ରସଙ୍ଗ ଉଠାଇବାକୁ ଦଳ ଯୋଜନା କରିଛି।

ଆସନ୍ତାକାଲିଠାରୁ ସଂସଦର ଶୀତକାଳୀନ ଅଧୀବେଶନ ଆରମ୍ଭ ହେବାକୁ ଥିବା ବେଳେ ଜାନୁୟାରୀ ୫ ତାରିଖ ପର୍ଯ୍ୟନ୍ତ ଏହା ଚାଲିବ। ଆଗକୁ ସାଧାରଣ ନିର୍ବାଚନ ଥିବାରୁ କୌଣସି ମୌକା ଛାଡ଼ିବାକୁ ଚାହୁଁନି ଦଳ।  ସେଥିପାଇଁ କେନ୍ଦ୍ର ବିଜେପି ସରକାର ବିରୋଧରେ ଆଭିମୁଖ୍ୟ କୋଠର କରିବାକୁ ଦଳ ନିଷ୍ପତ୍ତି ନେଇଛି।

ଆହୁରି ପଢ଼ନ୍ତୁ

ସରକାରୀ କର୍ମଚାରୀଙ୍କ ୯ ଛୁଟି ବେକାର, ପାଇବେ ମୋଟ ୧୦୬ଦିନ ଛୁଟି

ମଣିଷ ଓ ବନ୍ୟପ୍ରାଣୀ ମଧ୍ୟରେ ସଂଘର୍ଷ ହ୍ରାସ ପାଇଁ ଗଠନ ହେବ ଟାସ୍କଫୋର୍ସ

ମୈଦାନରେ କ୍ୟାଂପେନ୍ ଆରମ୍ଭ କଲେଣି ହେବିୱେଟ୍ ନେତା

ସରକାରୀ କଳର ଦୁରୂପଯୋଗ କରୁଛି ବିଜେଡି, ଫେରାଦ ହେଲା ବିଜେପି

ନୟାଗଡ଼ରେ ନକଲି ଟଙ୍କା ଛପା କାରଖାନା

ଶ୍ରୀମନ୍ଦିର ଢାଞ୍ଚାରେ ଲିଙ୍ଗରାଜ ମନ୍ଦିର ପାଇଁ ଆଇନ: ଦାୟିତ୍ୱରେ ରହିବେ ଆଇଏଏସ୍

ସିନ୍ଦୂର ପୋଛିଦେଲା ଲୌହ ମାନବ, କାନ୍ଧ ଉପରେ ଗର୍ଭବତୀ ଝିଅ 

କୋଭିଡ୍ ଚିକିତ୍ସା ପାଇଁ କିମ୍ସ ନେଇଛି ୪୦ କୋଟି

କାର୍ତ୍ତିକ ମାସରୁ ଶ୍ରୀମନ୍ଦିରରେ ମିଳିବ ଅବଢ଼ା

ସାଙ୍ଗ ହୋଇ ସ୍କୁଟିରେ ଚାଲିଗଲେ ୩ ଜଣ

ପାର୍ବଣରେ ବଢ଼ିପାରେ କରୋନା ସଂକ୍ରମଣ, ସତର୍କ କରାଇଲେ ମୁଖ୍ୟମନ୍ତ୍ରୀ

ଅମାନିଆଙ୍କୁ ପରାମର୍ଶ ଦେଲେ ମୁଖ୍ୟମନ୍ତ୍ରୀ