କାଲି ବିଜେପିର ୧୨ଘଣ୍ଟିଆ କୋରାପୁଟ ବନ୍ଦ ଡାକରା

<p>ଭୁବନେଶ୍ୱର( ଓଡ଼ିଶା ରିପୋର୍ଟର): କୁନ୍ଦୁଲି ପୀଡ଼ିତା ଆତ୍ମହତ୍ୟା ଘଟଣା ପ୍ରତିବାଦରେ ଆସନ୍ତାକାଲି ବିଜେପି ପକ୍ଷରୁ ୧୨ ଘଣ୍ଟିଆ ଅବିଭକ୍ତ କୋରାପୁଟ ଜିଲ୍ଲା ବନ୍ଦ ଡାକରା ଦିଆଯାଇଛି। ବୁଧବାର ସକାଳ ୬ଟାରୁ ସନ୍ଧ୍ୟା ୬ଟା ପର୍ଯ୍ୟନ୍ତ ବନ୍ଦ ଡାକରା ଦେଇଛି ବିଜେପି। ଚକଅଖ, ଦୋକାନବଜାର, ସରକାରୀ ଅଫିସ୍ &nbsp;ଓ ସ୍କୁଲ କଲେଜ ବନ୍ଦ ରହିବ ବୋଲି ଆହ୍ୱାନ କରାଯାଇଛି। &nbsp;ଆଜି ଏକ ସାମ୍ବାଦିକ ସମ୍ମିଳନୀରେ ବିଜେପି ସାଧାରଣ ସଂପାଦକ ଭୃଗୁ ବକ୍ସିପାତ୍ର ଏହା କହିଛନ୍ତି।</p> <p>ସେ କହିଛନ୍ତି,-&ldquo;ଏହି ବନ୍ଦ ପାଇଁ ଅବିଭକ୍ତ କୋରାପୁଟ ଜିଲ୍ଲାର ଜନତାଙ୍କ ସାହାଯ୍ୟ ଲୋଡ଼ୁଛୁ। ବନ୍ଦ ପାଇଁ ସେମାନେ ସହଯୋଗ କରନ୍ତୁ। କୁନ୍ଦୁଲି ପୀଡ଼ିତାଙ୍କ ପ୍ରତି ରାଜ୍ୟ ସରକାର ଅତ୍ୟାଚାର କରିଛନ୍ତି। କୁନ୍ଦୁଲି ପୀଡ଼ିତାଙ୍କୁ ଓଡ଼ିଶା ସରକାର ନ୍ୟାୟ ଦେଇ ନ ପାରିବାରୁ ସେ ଆତ୍ମହତ୍ୟା କରିଛନ୍ତି। &nbsp;କୁନ୍ଦୁଲି ଘଟଣାର ତଦନ୍ତ ଦାୟିତ୍ୱ ସିବିଆଇକୁ ହସ୍ତାନ୍ତର କରାଯାଉ।&rdquo;</p> <p>କୁନ୍ଦୁଲି ଘଟଣାର ତୁରନ୍ତ ତଦନ୍ତ ଦରକାର, ତଦନ୍ତରେ ଅବହେଳା ହେଉଛି। ଏନେଇ ରାଜ୍ୟ ସରକାରଙ୍କ ସହ ଆଲୋଚନା କରିବାକୁ କେନ୍ଦ୍ର ଗୃହମନ୍ତ୍ରୀ ରାଜନାଥ ସିଂହଙ୍କୁ କହିବି। ଓଡ଼ିଶା ଗସ୍ତ ଅବସରରେ ଭୁବନେଶ୍ୱରରେ ଏକଥା କହିଛନ୍ତି କେନ୍ଦ୍ର ସାମାଜିକ ନ୍ୟାୟ ଓ ସଶକ୍ତୀକରଣ ମନ୍ତ୍ରୀ ଥାଓ୍ୱାରଚାନ୍ଦ ଗେହଲ୍ଟ।&nbsp; ଏକ ବିଭାଗୀୟ କାର୍ଯ୍ୟକ୍ରମରେ ଯୋଗଦେବାକୁ ଆସିଥିବା ବେଳେ କେନ୍ଦ୍ରମନ୍ତ୍ରୀ ଗେହଲ୍ଟ ଏଭଳି ପ୍ରତିକ୍ରିୟା ରଖିଛନ୍ତି।</p> <p>&amp;nbsp;</p>