ଭୁବନେଶ୍ୱର(ଓଡ଼ିଶା ରିପୋର୍ଟର):ପ୍ରଥମ ପର୍ଯ୍ୟାୟ ମତଦାନ ଲାଗି ଆସନ୍ତାକାଲି ପ୍ରଚାର ସରୁଥିବାବେଳେ ବିଜେପି ଜୋରଦାର କ୍ୟାମ୍ପେନିଂ ଜାରି ରଖିଛି । କେନ୍ଦ୍ରମନ୍ତ୍ରୀ ଓ ସାଂସଦଙ୍କ ସମେତ କେନ୍ଦ୍ରୀୟ ହେଭିୱେଟ୍ ଘନ ଘନ ଓଡ଼ିଶା ଆସି ଦଳୀୟ ପ୍ରାର୍ଥୀଙ୍କ ଲାଗି ଭୋଟ୍ ମାଗୁଛନ୍ତି । କେନ୍ଦ୍ରମନ୍ତ୍ରୀ ମନୋଜ ସିହ୍ନା ଆଜି କୋରାପୁଟ କୋଟପାଡରେ ଆୟୋଜିତ ଦଳର ବିଜୟ ସଂକଳ୍ପ ସମାବେଶରେ ସାମିଲ ହୋଇଥିଲେ।
ଏହାପରେ ସେ ଗଂଜାମର ଛତ୍ରପୁର ଓ ଖଲିକୋଟର ବିକ୍ରମପୁର ପଂଚାୟତରେ ଆୟୋଜିତ ସମାବେଶରେ ଯୋଗ ଦେଇ ଉଭୟ କେନ୍ଦ୍ର ଓ ରାଜ୍ୟରେ ବିଜେପି ସରକାର ଗଢ଼ିବାକୁ ନିବେଦନ କରିଥିଲେ। ସେପଟେ ଆସନ୍ତାକାଲି ପୁଣି ଓଡ଼ିଶା ଆସିବେ ବିଜେପି ସଭାପତି ଅମିତ ଶାହା। ସେ ପୁରୀରେ ରୋଡ୍ ଶୋ’ କରିବା କାର୍ଯ୍ୟକ୍ରମ ରହିଛି । ସିଂହଦ୍ୱାର ନିକଟରୁ ମାଉସୀ ମା’ ମନ୍ଦିର ଯାଏ ଏହି ରୋଡ୍ ସୋ ହେବ ।
ସେହିପରି ପ୍ରଧାନମନ୍ତ୍ରୀ ମଧ୍ୟ ଆଉ ଥରେ ଓଡ଼ିଶା ଆସିବାର କର୍ଯ୍ୟକ୍ରମ ଥିବା ବିଜେପି ସୂତ୍ରରୁ ସୂଚନା ଦିଆଯାଇଛି। ମୋଦି ଆସନ୍ତା ୧୫ କିମ୍ବା ୧୬ ତାରିଖରେ ଓଡ଼ିଶା ଆସି ପାରନ୍ତି। ଭୁବନେଶ୍ୱରରେ ଆୟୋଜିତ ସଭାରେ ସେ ଯୋଗ ଦେବେ ବୋଲି ଜଣାପଡ଼ିଛି।