ଭୁବନେଶ୍ୱର (ଓଡ଼ିଶା ରିପୋର୍ଟର): ଆଜିଠାରୁ ବିଜେପି ଆରମ୍ଭ କରୁଛି ବିଜୟ ସଂକଳ୍ପ ଯାତ୍ରା। ରାଜ୍ୟର ସବୁ ସହରାଞ୍ଚଳ ଓ ଗ୍ରାମାଞ୍ଚଳରେ ଏହି ବିଜୟ ସଂକଳ୍ପ ଯାତ୍ରା କରାଯିବ। ୧୭ ତାରିଖ ପର୍ଯ୍ୟନ୍ତ ଦଳର ଏହି କାର୍ଯ୍ୟକ୍ରମ ଚାଲିବ।
ବିଜୟ ସଂକଳ୍ପ ଯାତ୍ରା ମାଧ୍ୟମରେ ରାଜ୍ୟରେ ୫ହଜାର ସାଧାରଣ ସଭା ଓ ସମାବେଶ କରିବ ବିଜେପି। ବିଜୟ ସଂକଳ୍ପ ଯାତ୍ରା ମାଧ୍ୟମରେ ଦଳ ଆଜିଠାରୁ ୨୦୧୯ ନିର୍ବାଚନ ପାଇଁ ବିଧିବଦ୍ଧ ପ୍ରଚାର ଆରମ୍ଭ କରିବ ବୋଲି କହିଛନ୍ତି ଦଳର ରାଜ୍ୟ ସାଧାରଣ ସଂପାଦକ ଭୃଗୁ ବକ୍ସିପାତ୍ର।
ଏହି ଯାତ୍ରା ପାଇଁ ବ୍ରହ୍ମପୁର ଲୋକସଭା ନିର୍ବାଚନ ମଣ୍ଡଳୀର ୫ଟି ବିଧାନସଭା ନିର୍ବାଚନ କ୍ଷେତ୍ରର କର୍ମୀଙ୍କୁ ନେଇ ବୈଠକ ଅନୁଷ୍ଠିତ ହୋଇଥିଲା। ବ୍ରହ୍ମପୁର, ଚିକିଟି, ଦିଗପହଣ୍ଡି, ଗୋପାଳପୁର ଓ ଛତ୍ରପୁରରେ ୨୫୦ଟି ପଥପ୍ରାନ୍ତ ନାଟକ କରି ଓଡ଼ିଶାରେ ରାଜନୈତିକ ପରିବର୍ତ୍ତନ ପାଇଁ ଲୋକଙ୍କ ବାର୍ତ୍ତା ଦିଆଯିବ ବୋଲି ଦଳ ପକ୍ଷରୁ ସୂଚନା ମିଳିଛି।
ଅନୁଗୋଳ ଜିଲ୍ଲାର କିଶନନଗରରେ ହେବାକୁ ଥିବା ବିଜୟ ସଂକଳ୍ପ ଯାତ୍ରାରେ କେନ୍ଦ୍ର ମନ୍ତ୍ରୀ ଧର୍ମେନ୍ଦ୍ର ପ୍ରଧାନ ଯୋଗ ଦେବେ ବୋଲି ସୂଚନା ମିଳିଛି।