ବିଷ କାଢିବାକୁ ଗୁଣିଆ ହେଲେ ଡାକ୍ତର, ହସ୍ପିଟାଲରେ ପଶି ଏମିତି କଲେ ଚିକିତ୍ସା

<p>ଅନୁଗୁଳ(ବିରଜା ପ୍ରସାଦ ଦାସ): &nbsp;&lsquo;&lsquo;ଡାକ୍ତରଖାନା ବେଡ୍&zwnj;ରେ ଶୋଇଛନ୍ତି ରୋଗୀ, ଆଉ ତାଙ୍କ ପାଖରେ ଛିଡା ହୋଇଛନ୍ତି ଜଣେ ବ୍ୟକ୍ତି। ସମସ୍ତେ ଅପେକ୍ଷା କରିଛନ୍ତି ତାଙ୍କ ହାତର କରିସ୍ମାକୁ । କଥାରେ ଅଛି ନା, ଜଣେ ଜଣେ ଡାକ୍ତରଙ୍କ ହାତରେ ଯାଦୁ ଥାଏ। ସିଏ ଥରେ ଛୁଇଁଦେଲେ ରୋଗ ଏକଦମ୍&zwnj; ଖଲାସ୍&zwnj; ହୋଇଯିବ। ହେଲେ ଏଠି ଯେଉଁ ବ୍ୟକ୍ତି ଜଣକ ଛିଡା ହୋଇଛନ୍ତି, ତାଙ୍କୁ ରୋଗୀକୁ ଛୁଇଁବାର ଆବଶ୍ୟକ ନାହିଁ। ସେ ଖାଲି ଫୁଙ୍କିଦେଲେ ହେଲା।</p> <p>ଦେଖୁ ଦେଖୁ ଡାକ୍ତରଙ୍କ ସ୍ଥାନରେ ଥିବା ବାବୁ ଜଣକ ହାତ ଯୋଡିଲେ। ଷ୍ଟଥୋ ତାଙ୍କର ଲୋଡା ନାହିଁ। ଆଖି ବୁଜିଲେ, ଆଉ ହାତରେ ଧରିଥିବା ଠେଙ୍ଗାକୁ ଧରି ମୁଣ୍ଡିଆଟାଏ ମରିଲେ। ବାସ୍&zwnj; ଏତିକି କରୁ କରୁ କ&rsquo;ଣ ହେଲେ କେଜାଣି ପୀଡିତା ରୋଗୀଙ୍କୁ ଫୁଙ୍କିବାକୁ ଲାଗିଲେ।&rdquo;</p> <p>ଆପଣ ଭାବୁଥିବେ ଆମେ ଅଯଥା ଇଆଡୁ ସିଆଡୁ ଗପୁଛୁ ବୋଲି। ବାସ୍ତବରେ ଆମେ କୌଣସି ଇଆଡୁ ସିଆଡୁ କଥା ଆପଣଙ୍କୁ କହୁନୁ । ବାସ୍ତବରେ ଆଜି ସକାଳେ ଅନୁଗୁଳ ଡାକ୍ତରଖାନାରେ ଯାହା ଦୃଶ୍ୟ ଦେଖିଲୁ ସେ କଥା ବର୍ଣ୍ଣନା କରୁଛୁ। ଆଉ ଏଭଳି ଦୃଶ୍ୟ ଦେଖି ଆମକୁ ବଡ଼ ଆଶ୍ଚର୍ଯ୍ୟ ଲାଗିଥିଲା, ଠିକ୍&zwnj; ଯେମିତି ଏ କଥା ପଢି ଆପଣଙ୍କୁ ଲାଗୁଛି। ଯୁଗ ଆସି କୋଉଠି ପହଞ୍ଚିଲାଣି। ହେଲେ ଆମ ଚିନ୍ତାଧାର ବଦଳୁନି। ଏବେ ବି ପୁରୁଣାକାଳିଆ ଚିନ୍ତାଧାରାକୁ ନେଇ ଆମେ ବଞ୍ଚୁଛେ। ଯାହାର ସଦ୍ୟତମ ଉଦାହରଣ ଦେଖିବାକୁ ମିଳିଛି ଏଠି।</p> <p>ବାସ୍ତବ କଥାଟା ହେଲା ଏମିତି - ଗତକାଲି ରାତିରେ ଛେଣ୍ଡିପଦାର ସାବିତ୍ରୀ ଦେହୁରୀ ନାମକ ଜଣେ ମହିଳାଙ୍କୁ ସାପ କାମୁଡି ଦେଇଥିଲା। ତାଙ୍କ ସ୍ୱାମୀ ଡ଼ରରେ କାଳେ କିଛି ହୋଇଯିବ ବୋଲି ସାବିତ୍ରୀଙ୍କୁ ଅନୁଗୁଳ ଜିଲା ମୁଖ୍ୟ ଡାକ୍ତରଖାନାରେ ଭର୍ତ୍ତି କରିଥିଲେ। ହେଲେ ଡାକ୍ତରଙ୍କ ଉପରେ ତାଙ୍କ ବିଶ୍ୱାସ ନ ଥିବାରୁ ଛେଣ୍ଡିପଦା ଅଞ୍ଚଳରୁ ଜଣେ ଗୁଣିଆଙ୍କୁ ଆଣି ଝଡାଫୁଙ୍କା କରିବାକୁ ଯୋଜନା କଲେ। ଖାଲି ଯୋଜନା କଲେନି ଗୁଣିଆଙ୍କୁ ଡାକ୍ତରଖାନାକୁ ନେଇ ମଧ୍ୟ ଆସିଲେ। ଡାକ୍ତରଙ୍କ ଅଜାଣତରେ ଝଡାଫୁଙ୍କା କଲେ ଗୁଣିଆ। ଏ ସମ୍ପର୍କରେ ସ୍ଥାନୀୟ ଲୋକେ ଡାକ୍ତରଖାନା କର୍ତ୍ତୃପକ୍ଷଙ୍କୁ ଅବଗତ କରାଇବା ପରେ ବିହିତ ପଦକ୍ଷେପ ନେଇଥିଲେ ସିଡିଏମଓ। ଏବେ ପୀଡିତାଙ୍କ ଚିକିତ୍ସା ଡାକ୍ତରମାନେ କରୁଛନ୍ତି।</p>