ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
<p>ଭୁବନେଶ୍ୱର(ଓଡିଶା ରିପୋର୍ଟର): ବଲାଙ୍ଗିର ପାଟଣାଗଡ଼ର ପାର୍ସଲ ବମ୍ ବିସ୍ଫୋରଣର ଏଯାଏଁ ମିଳିନି ସୁରାକ୍‌। କିନ୍ତୁ ସନ୍ଦେହର ଚେର ଲମ୍ବି ଲମ୍ବି ଯାଉଛି।</p> <p>ସ୍କାଏକିଙ୍ଗ କୋରିୟର୍ ସଂସ୍ଥା ଉପରେ କେନ୍ଦ୍ରୀଭୂତ ହୋଇଛି ପୋଲିସର ନଜର। କାରଣ ଏହି ଆତ୍ମଘାତୀ ପାର୍ସଲକୁ ସ୍କାଏକିଙ୍ଗ କୋରିୟର୍ ରାୟପୁରରୁ ଯେଉଁ ଢଙ୍ଗରେ ପାଟଣାଗଡ଼ ଯାଏଁ ଆଣିଥିଲା ତାକୁ ନେଇ ଭିନ୍ନ ଭିନ୍ନ ଚର୍ଚ୍ଚା ହେଉଛି । ବଲାଙ୍ଗିର ଜିଲ୍ଲା ପାଟଣାଗଡ଼ରେ ପାର୍ସଲ୍ ବମ୍ ବିସ୍ଫୋରଣ ପଛରେ କାହାର ରହିଛି ହାତ ? କିଏ ସେହି ଆତତାୟୀ, ଯିଏ ଖେଳିଥିଲା ରକ୍ତର ହୋଲି। ଏହି ଅଭିନବ କ୍ରାଇମର ମାଷ୍ଟରମାଇଣ୍ଡ କିଏ ? ଏହାକୁ ନେଇ ଘନଉଛି ସନ୍ଦେହ। କୋରିୟର୍ ସଂସ୍ଥା ଗତ ୧୬ ତାରିଖରେ ଆର୍.କେ.ଶର୍ମାଙ୍କ ନାଁ ଲେଖାଥିବା ପ୍ରାଣଘାତୀ ପାର୍ସଲକୁ ରିସିଭ୍ କରି ପଠାଇଥିଲା ପାଟଣାଗଡ଼ । ଅଥଚ ପାର୍ସଲରେ କଣ ଅଛି ? ପାର୍ସଲ ପଠାଉଥିବା ବ୍ୟକ୍ତିଙ୍କ ଠିକଣା କ’ଣ ? ପାର୍ସଲରେ କିଭଳି ସାମଗ୍ରୀ ରହିଛି ସେ ସମ୍ପର୍କରେ କୌଣସି ତଥ୍ୟ ସଂଗ୍ରହ କରି ନ ଥିଲା । ଯାହାକୁ ନେଇ ରାୟପୁରରେ ଏସବୁ ଦିଗକୁ ଧରି ଖୋଳତାଡ଼ କରୁଛି ପାଟଣାଗଡ଼ ପୋଲିସ। ସ୍କାଏକିଙ୍ଗ କୋରିୟର୍ ସଂସ୍ଥା ସମସ୍ତ ନିୟମକୁ ଉଲଂଘନ କରି ଏହାକୁ ରିସିଭ କରିଛି ଓ ଡେଲିଭେରି ଦେଇଛି ବୋଲି ପ୍ରମାଣିତ ହୋଇଛି। ଅନ୍ୟପକ୍ଷରେ ଆର୍.କେ.ଶର୍ମା ନାମକ ପ୍ରେରକ ଅସଲି ନା ନକଲି ତାହାକୁ ନେଇ ମଧ୍ୟ ସନ୍ଦେହରେ ପୋଲିସ।</p> <p>୨୩ ତାରିଖରେ ସଂଘଟିତ ଏହି ମର୍ମନ୍ତୁଦ ଘଟଣା ପରେ ଅପେକ୍ଷା ଘଟଣାର ଏକମାତ୍ର ସାକ୍ଷୀ ସୌମ୍ୟଶେଖରଙ୍କ ନବବିବାହିତା ପତ୍ନୀଙ୍କ ବୟାନକୁ । ଯିଏ ବର୍ତ୍ତମାନ କଟକରେ ଚିକିତ୍ସାଧିନ ଅଛନ୍ତି।</p>
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
