ସ୍ୱପ୍ନ ଦେଖା ସରିନି, ମଉଳି ଗଲା ସୁଖ

<p>ନୂଆ ନୂଆ ବାହାଘର। ଶାଶୂଘରେ ପାଦ ଦେଉଦେଉ କେତେ ସ୍ୱପ୍ନ ଦେଖି ନ ଥିବେ ରୀନା। ସତ କହିଲେ ତା ସୁଖରେ କିଏ ନଜର ଲଗେଇଦେଲା ନା ! ହସ ଫୁଲ ଫୁଟିବା ଆଗରୁ ମଉଳି ଗଲା ସୁଖ। ହାତରୁ ମହେନ୍ଦି ଆଉ ପାଦରୁ ଅଳତା ଲିଭି ନ ଥିଲେ ବି ମଥାରୁ ସିନ୍ଦୂର ଲିଭିଗଲା। ଏବେ ଯାହା ଜୀବନ ଦୀପ ଲିଭିବ ଲିଭିବ ହେଉଛି। ଈଶ୍ୱର କରନ୍ତୁ ରୀନା ବଞ୍ଚିଯାଆନ୍ତୁ। ଏହି କଥା ଭିତରେ ପୁଣି କେତେଜଣ ସମ୍ପର୍କୀୟ କ&rsquo;ଣ କହୁଛନ୍ତି ଜାଣନ୍ତି? &nbsp;&ldquo;କାହା ପାଇଁ ବଞ୍ଚିବ ଯେ ! ଯାହା ହାତ ଧରି ଆସିଲା ବିଧାତା ତ ତାକୁ ନେଇଗଲେ । ଆଉ ସୁଖ କ&rsquo;ଣ ରହିଲା ଯେ ସେ ବଞ୍ଚିବ ?&rdquo;</p><p>ବାସ୍&zwnj;, ଏଇ କେଇପଦ କଥା ଶୁଣି କୁହନ୍ତୁ ତ କାହା ମନରେ କୋହ ସମ୍ଭାଳି ହୋଇ ରହିବ। ଆମେ କହୁଛୁ ବଲାଙ୍ଗୀର ଜିଲାରେ ଶୁକ୍ରବାର ଘଟିଥିବା ବିସ୍ଫୋରଣ ଘଟଣାର ପୀଡିତାଙ୍କ କଥା। &nbsp;ମୃତ୍ୟୁ ସହ ଲଢୁଥିବା ରୀନାଙ୍କ କଥା। ୧୮ ତାରିଖରେ ବ୍ରହ୍ମପଡ଼ାର ସୌମ୍ୟ ଶେଖରଙ୍କ ବିବାହ ହୋଇଥିଲା ତାଙ୍କ ସହ। ୨୦ ତାରିଖରେ ଅଭ୍ୟର୍ଥନା ଭୋଜି ଦିଆଯାଇଥିଲା ସୌମ୍ୟଙ୍କ ଘରେ। ହସଖୁସି, ହୋ ହଲ୍ଲାରେ କମ୍ପୁଥିଲା ସାରା ପରିବେଷ। ବନ୍ଧୁ, ବାନ୍ଧବ, କୁଣିଆ ମୈତ୍ର ସମସ୍ତେ ସୌମ୍ୟ-ରୀନାଙ୍କ ଯୋଡିକୁ ପ୍ରଶଂସା କରିଥିଲେ। ଦୁହିଁଙ୍କ ହସ ହସ ମୁହଁ କହୁଥିଲା ଉଭୟ ଉଭୟଙ୍କୁ ପାଇ କେତେ ଖୁସି।</p><p>ହେଲେ ଏଇ କାଳ ଶୁକ୍ରବାର ସବୁ ସୁଖକୁ ଜାଳିଦେଲା। ସକାଳୁ ସକାଳୁ ବାହାଘର ବେଳେ ମିଳିଥିବା ଉପହାର ସବୁ ଖୋଲା ଯାଉଥିଲା। ଆଶୀର୍ବାଦ ଆଉ ଭଲପାଇବାର ନିଦର୍ଶନ ସ୍ୱରୂପ କିଏ କ&rsquo;ଣ ଦେଇଛନ୍ତି ଚର୍ଚ୍ଚା ଚାଲିଥିଲା ଘରେ। ହେଲେ ହଠାତ୍&zwnj; ସବୁ ଓଲଟି ଗଲା। ବିସ୍ଫୋରଣ ଶବ୍ଦରେ ଥରି ଉଠିଲା ସାରା ଘର। କାନ୍ଥ ଫାଟିଗଲା। ରୋଷେଇ ଘରେ ଲାଗିଥିବା ମାର୍ବଲ ସବୁ ଭାଙ୍ଗି ଚୂରମାର୍&zwnj; ହୋଇଗଲା। କିଛି ବୁଝିବା ଆଗରୁ କାନ ତାବ୍&zwnj;ଦା ହୋଇଯାଉଥାଏ। ସମସ୍ତେ ପ୍ରକୃତିସ୍ଥ ହେବା ପରେ କାନ୍ଦ ବୋବାଳିରେ ଫାଟିପଡିଲାଣି ଘର। ସୌମ୍ୟ, ତାଙ୍କ ନବ ବିବାହିତା ପତ୍ନୀ ରୀନା ଓ ସୌମ୍ୟଙ୍କ ବୃଦ୍ଧା ଜେଜେମା ରକ୍ତ ଜୁଡୁବୁଡୁ ହୋଇ ତଳେ ପଡିଥିଲେ। ଆଉ ଡାକ୍ତରଖାନାରେ ଜଣଙ୍କ ପରେ ଜଣେ ଆଖି ବୁଜିଲେ। ପ୍ରଥମେ ଜେଜେମା ଆଉ ତା ପରେ ନାତୀ ଚାଲିଗଲେ ଆରପାରିକୁ। ବାକି ରହିଗଲେ ନାତୁଣୀବୋହୂ।</p><p>ଭାବନ୍ତୁ ତ ଥରେ। କ&rsquo;ଣ ହେଉଥିବେ ସେ ପରିସ୍ଥିତି? କେମିତି ନିଜକୁ ସମ୍ଭାଳି ରଖିଥିବେ ପରିବାର ଲୋକେ? ଆଉ ସେଇ ବାହାଘର ଫଟୋ...। ଯାହାକୁ ଦେଖି ଆପଣ ନିଜେ ବି ସଙ୍କୋଚରେ ପଡିବେ।</p>

ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।