ଏ ସବୁ ଚିତ୍ର କହୁଛି, ସେଦିନ ଏମିତି ଥିଲା, ଆଉ ଆଜି…

ଭୁବନେଶ୍ୱର(ଓଡିଶା ରିପୋର୍ଟର): ମରଣ ସହ ଲଢୁଥିବା ରୀନା ବହୁତ ଖୁସିଥିଲେ ସେଦିନ। ହସି ହସି ନିଜ ଜୀବନ ସାଥିର ହାତରେ ହାତ ରଖି ଖୁବ୍‌ ନାଚିଥିଲା। ହେଲେ ଆଜି ସେ ମରଣ ସହ ଲଢୁଛି ବୁର୍ଲ ହସ୍ପିଟାଲରେ। ଭଗବାନ କରନ୍ତୁ ସେ ସୁସ୍ଥ ହୋଇ ଘରକୁ ଫରୁ। ହେଲେ ଆମର ବିଶ୍ୱାସ ହେଉନି ତା ହାସ ମୁହଁରୁ ପୁଣି ଥରେ ଏମିତି ହସ ଫେରିବ ବୋଲି। କାରଣ କ’ଣ ଜାଣନ୍ତି ? କିଛି ଏମିତି ଅପୂରଣୀୟ କ୍ଷତି ହୋଇଯାଇଛି ତାର ଯାହା ତାକୁ ସତରେ କେବେ ହସେଇ ଦେବନି। ତା ହେଲେ ଆସନ୍ତୁ ଦେଖିବା ବଲାଙ୍ଗୀର ପାର୍ସଲ ବୋମା ବିସ୍ଫୋରଣରେ ସ୍ୱାମୀ ଆଉ ଜେଜ ଶାଶୁଙ୍କୁ ହରାଇଥିବା ରୀନା ବାହାଘର ବେଳେ କ୍ୟାମେରାରେ କଏଦ ହୋଇଥିବା କିଛି ଖୁସିର ମୁହୂର୍ତ୍ତ ।

ସୂଚନାଯୋଗ୍ୟ, ବଲାଙ୍ଗୀର ଜିଲା ପାଟଣାଗଡ଼ ସହରରେ ଶୁକ୍ରବାର ଘଟିଥିଲା ଏକ ଅଭାବନୀୟ ଘଟଣା। ବାହାଘର ଗିଫ୍ଟରେ ଆସିଥିବା ପାର୍ସଲ ବୋମା ଖୋଲି ଦେବାରୁ ଜଣେ ରୀନା ନାମ୍ନୀ ନବବଧୂ, ତାଙ୍କ ସ୍ୱାମୀ ଓ ଜେଜେ ଶାଶୁ ଗୁରୁତର ହୋଇ ଡାକ୍ତରଖାନାରେ ଭର୍ତ୍ତି ହୋଇଥିଲେ। ଜେଜେଶାଶୁ ଓ ସ୍ୱାମୀ ମୃତ୍ୟୁବରଣ କରିଥିବା ବେଳେ ନବବଧୂ ଜଣକ ଏବେ ଡାକ୍ତରଖାନାରେ ମରଣ ସହ ଲଢୁଛନ୍ତି। ଏଣେ ସୋସିଆଲ ମିଡିଆରେ ଭାଇରାଲ ହୋଇଛି ପୀଡିତାଙ୍କ ବାହାଘର ବେଳର କିଛି ଫଟୋ ଓ ଭିଡିଓ।