ଏମିତି ବି ଦାଉ ସାଜେ ଦଇବ: ହସପିଟାଲ ବେଡରୁ ଉଠି ସ୍ୱାମୀଙ୍କୁ ଖୋଜୁଛି ପତ୍ନୀ, ଦେଖନ୍ତୁ ଭିଡିଓ

<p>ବଲାଙ୍ଗିର:(ଓଡ଼ିଶା ରିପୋର୍ଟର):ଓଡ଼ିଆ ଫିଲ୍ମରେ ଗୋଟିଏ ଗୀତ ଅଛି &ldquo;ଦଇବ ଦଉଡ଼ି ମଣିଷ ଗାଈ, ଯେଣିକି ଟାଣଇ ସେଣିକି ଯାଇ&rdquo;। ସତରେ ଏମିତି ଦାଉ ସାଜେ ଦଇବ । ସ୍ୱାମୀ ଚାଲିଯାଏ ଅଥଚ ସ୍ତ୍ରୀ ଜାଣିପାରେନି। ଶେଷରେ ନିଜ ସ୍ୱାମୀଙ୍କ &nbsp;ମୃତ୍ୟୁ ଖବର ଜାଣିଲେ ପାଟଣାଗଡ଼ ପାର୍ସଲ୍ ବୋମା ବିସ୍ଫୋରଣରେ ଆହତ ନବବିବାହିତା ରୀମା ସାହୁ। ଏସ୍&zwnj;ବିବି ମେଡିକାଲରେ ଚିକିତ୍ସାଧୀନ ଅବସ୍ଥାରେ ତାଙ୍କୁ ୨୫ ଦିନ ହେଲା ଯେଉଁ ଦୁଃଖଦ ଖବର ପରିବାର ଲୋକେ ଲୁଚାଇ ରଖିଥିଲେ ଏକ ପୁରୁଣା ଖବର କାଗଜ ଦେଖି ସବୁକଥା ଜାଣିଗଲେ ରୀମା ।</p> <p>ସ୍ୱାମୀ ସୌମ୍ୟଶେଖର ଯେ, ଆଉ ଦୁନିଆରେ ନାହାନ୍ତି ସେ କଥା ଜାଣି ଦୀର୍ଘ ୫ ଘଣ୍ଟା ଧରି କାନ୍ଦିଥିଲେ ରୀମା । ପରିବାର ଲୋକେ ବୁଝାସୁଝା କରିବା ପରେ ସେ ବୁଝିଥିଲେ । ଗତ ମାସ ୨୩ ତାରିଖରେ ପାର୍ସଲ ବୋମା ବିସ୍ଫୋରଣରେ ପ୍ରାଣ ହରାଇଥିଲେ ରୀମାଙ୍କ ସ୍ୱାମୀ ସୌମ୍ୟଶେଖର ଓ ତାଙ୍କ ଜେଜେ ମା&rsquo;। &nbsp;ଏପଟେ ପାର୍ସଲ ବୋମା ବିସ୍ଫୋରଣ ଘଟଣାରେ ମୃତ ସୌମ୍ୟଶେଖରଙ୍କ ମା&rsquo; ଓ ରୀମାରାଣୀଙ୍କ ବାପା ଆଜି ମୁଖ୍ୟମନ୍ତ୍ରୀଙ୍କୁ ଭେଟିଛନ୍ତି । ଏହି ଅବସରରେ ତଦନ୍ତକୁ ତ୍ୱରାନିତ କରାଯିବ ବୋଲି ମୁଖ୍ୟମନ୍ତ୍ରୀ ଉଭୟଙ୍କୁ ଆଶ୍ୱସନା ଦେଇଛନ୍ତି।</p> <p>ସ୍ୱାମୀର ମୃତ୍ୟୁ ଖବର ଜାଣିବା ନିଜ କୋହକୁ ସମ୍ଭାଳିପାରି ନଥିଲେ ରିମା। &nbsp;ସ୍ୱାମୀ ଯଦି ମରିଯାଇଛନ୍ତି, ତାଙ୍କୁ କାହିଁକି ବଞ୍ଚେଇ ରଖିଲେ ବୋଲି କାନ୍ଦିକାନ୍ଦି ତାଙ୍କ ପରିବାର ଲୋକଙ୍କୁ କହିଥିଲେ। ସ୍ୱାମୀଙ୍କୁ ଝୁରି ଝୁରି କୌଣସି ଖାଦ୍ୟ ଗ୍ରହଣ କରି ନଥିଲେ କି ପାଣି ମଧ୍ୟ ପିଇ ନ ଥିଲେ। ତେବେ ବହୁ ବୁଝାସୁଝା ପରେ ସେ ଅଳ୍ପ କିଛି ଖାଦ୍ୟ ଖାଇଥିଲେ। ସୂଚନା ଅନୁଯାୟୀ ଗତ ଫେବୃଆରୀ ୧୮ ତାରିଖରେ ବ୍ରହ୍ମପଡ଼ାର ସୌମ୍ୟ ଶେଖରଙ୍କ ବିବାହ ହୋଇଥିଲା। ୨୦ ତାରିଖରେ ଆଭ୍ୟର୍ଥନା ଭୋଜି ହୋଇଥିଲା।</p> <p>ସେହିଦିନ ମିଳିଥିବା ଉପହାରକୁ ଖୋଲୁଥିବା ବେଳେ ହଠାତ ବିସ୍ଫୋରଣ ଘଟିଲା। ଫଳରେ ସୌମ୍ୟ ଶେଖର, ତାଙ୍କ ପତ୍ନୀ ଓ ଜେଜେ ମାଆ ଗୁରୁତର ଆହତ ହୋଇଥିଲେ। ସେମାନଙ୍କୁ ପ୍ରଥମେ ପାଟଣାଗଡ଼ ମେଡ଼ିକାଲରେ ଭର୍ତ୍ତି କରିଥିଲେ। ସେମାନଙ୍କ ସ୍ୱାସ୍ଥ୍ୟ ଅବସ୍ଥା ଗୁରୁତର ହେବାରୁ ଜିଲ୍ଲା ମୁଖ୍ୟ ଚିକିତ୍ସାଳୟକୁ ସ୍ଥାନାନ୍ତରିତ କରାଯାଇଥିଲା। ସେଠାରେ ଚିକିତ୍ସାଧୀନ ଅବସ୍ଥାରେ ସୌମ୍ୟ ଶେଖର ଓ ତାଙ୍କ ଜେଜେ ମା&rsquo;ଙ୍କ ମୃତ୍ୟୁ ଘଟିଥିଲା।</p>