ପେଟ୍ରୋଲ ରାଲି ବେଳେ ବାଇକ୍‌ ସହ ଓଲଟିଲା ଶଗଡ଼

<p>ଭୁବନେଶ୍ୱର(ଓଡ଼ିଶା ରିପୋର୍ଟର): ହୁ ହୁ ହୋଇ ବଢୁଛି ତେଲ ଦର। ଲାଗୁଛି ଯେମିତି ଆଉ ଦିନ କେଇଟା ପରେ ଲିଟର ୧୦୦ ଛୁଇଁବ। ଏ କଥାଟି ଖାଉଟିଙ୍କୁ ବି ବାଧୁଛି। ଆଉ ଆମ ସାଧାରଣ ଲୋକଙ୍କ ସମସ୍ୟାକୁ ନେଇ ଆନ୍ଦୋଳନକୁ ଓହ୍ଲାଉଛନ୍ତି ବିଭିନ୍ନ ରାଜନୈତିକ ଦଳ। ନିକଟରେ ତୈଳ ଦର ବୃଦ୍ଧ ନେଇ କେନ୍ଦ୍ରର ଘୋଷଣା ପରେ ତାତିଥିଲା ଶାସକ ବିଜେଡି । ଆଉ ଆରମ୍ଭ ହୋଇଥିଲା, ବିରୋଧ, ପ୍ରତିବାଦ। ରାଜଧାନୀରେ ଏକାଠି ହୋଇଥିଲେ ଗାଁ ଗଣ୍ଡାରୁ ଆସିଥିବା ଦଳୀୟ ସମର୍ଥକ ।&nbsp; ପାୱାର ହାଉସ୍&zwnj; ଛକଠାରୁ ରାଜଭବନ ଯାଏଁ ରାସ୍ତାରେ ଉଡିଥିଲା ନୀଳ ପତାକା । ମୁଣ୍ଡରେ ଶଂଙ୍ଖ ଚିହ୍ନର ନୀଳ ପଟି ବାନ୍ଧି ଆନ୍ଦୋଳନ ଚଳାଇଥିଲେ ଦଳୀୟ ସମର୍ଥକ।</p> <p>ଏତିକିବେଳେ ଅଭିନବ ଉପାୟରେ ଆନ୍ଦୋଳନ କରିବାକୁ ରାଜଧାନୀକୁ ଆସିଥିଲା ଶଗଡ଼। ଆଉ ତା ଉପରେ ଛିଡା ହୋଇଥିଲ ବାଇକ୍&zwnj;। ତେଲ ଦର ଏମିତି ବଢୁଛି ଯେ, ଗାଡି ଚଳାଇବାକୁ ଡର ମାଡୁଛି। ଏହି କଥାକୁ ପ୍ରମାଣିତ କରିବାକୁ ଯାଇ ଶଗଡ଼ ଉପରେ ବାଇକ୍&zwnj; ରଖି ଆନ୍ଦୋଳନ କରାଯାଉଥିଲା। ଆଉ ଏଇ ଶଗଡ଼ ପଛରେ ବନ୍ଧା ହୋଇଥିଲା ବିଜେଡି ପତକା। ଦେଖୁ ଦେଖୁ ଶଗଡ଼ ଗଡିଲା । ହେଲେ କେଇ ହାତ ଗଡିଛି କି ନାହିଁ। ଓଲଟି ପଡିଲା । ଆଉ ତା ଉପରେ ନଦା ହୋଇଥିବା ବାଇକ୍&zwnj; ଆଉ ବାଇକ୍&zwnj; ଧରି ଛିଡା ହୋଇଥିବା ଭାଇ ବି ତଳକୁ ଗଳି ପଡିଲେ।</p> <p>ଏମିତି କିଛି ଦୃଶ୍ୟ ସମ୍ବଳିତ ଭିଡିଓ ଏବେ ଭାଇରାଲ ହେବାରେ ଲାଗିଛି। ଯାହାକୁ ଦେଖି ଲୋକେ କହୁଛନ୍ତି ବିଜେଡି ଶଗଡ଼ ଏବେଠୁ ବ୍ରେକ୍&zwnj;ଫେଲ ହେଲାଣି। ଅଗକୁ କ&rsquo;ଣ ହେବ କେଜାଣି ?</p>