ବସ୍‌କୁ ପିଟିଲା ବସ୍‌; ଗୋଟିଏ ଓଲଟି ପଡ଼ିଲା

<p>କାମାକ୍ଷାନଗର(ରେକେଶ ଦେହୁରୀ): ଗୋଟିଏ ବସ୍ ରାସ୍ତାକଡ଼ରେ ଛିଡ଼ା ହୋଇଥିଲା। ଆଉ ଗୋଟିଏ ବସ୍ ଦ୍ରୁତ ଗତିରେ ଆସି ତାକୁ ପଛ ପଟୁ ଧକ୍କା ଦେଲା। ଫଳରେ ଛିଡ଼ା ହୋଇଥିବା ବସ୍&zwnj;ଟି ରାସ୍ତା କଡ଼ରେ ଓଲଟି ପଡ଼ିଥିଲା। ଓଲଟି ପଡ଼ିଥିବା ବସ୍&zwnj;ଟି ଏକପ୍ରକାର ଚୂରମାର ହୋଇଯାଇଛି। ତେବେ ସୌଭାଗ୍ୟବଶତଃ ଉଭୟ ବସ୍&zwnj;ରୁ କାହାରି ଜୀବନ ଯାଇନି। ଦୁଇଟି ଯାକ ବସ୍&zwnj;ରେ ଥିବା ୭୦ରୁ ଅଧିକ ଯାତ୍ରୀ କେବଳ ସାମାନ୍ୟ ଆହତ ହୋଇଛନ୍ତି।</p> <p>&lt;a href=&quot;&quot;&gt;(image) &lt;/a&gt;ଏ ଘଟଣା ଘଟିଛି &nbsp;ଢେଙ୍କାନାଳ ଜିଲ୍ଲା ପରଜଙ୍ଗ ଥାନା ଅନ୍ତର୍ଗତ କଟୁମୁଣ୍ଡା ଛକରେ। ଶନିବାର ରାତି ପ୍ରାୟ ଅଢ଼େଇଟା ବେଳେ ଘଟିଛି ଏହି ଦୁର୍ଘଟଣା। ଭୁବନେଶ୍ୱରରୁ ଆସୁଥିବା ସୁଶୀଲ ନାମକ ଏକ ବସ୍&zwnj;&nbsp; କଟୁମୁଣ୍ଡା ଛକ ନିକଟ ରାସ୍ତା ଉପରେ ଛିଡ଼ା ହୋଇଥିଲା। ଏତିକି ବେଳେ ଆରବି କୋଚ୍&zwnj; ନାମ କ ଏକ ବସ୍&zwnj; ପଛରୁ ଆସି ତାକୁ ଧକ୍କା ଦେଇଥିଲା।</p> <p>ସ୍ଥାନୀୟ ପୋଲିସ୍ ଓ ଲୋକେ ଆହତମାନଙ୍କୁ ଉଦ୍ଧାର କରିଥିଲେ। ଆହତମାନଙ୍କୁ ଉଦ୍ଧାର କରାଯାଇ ପରଜଙ୍ଗ ଡାକ୍ତରଖାନାରେ ଭର୍ତ୍ତି କରାଯାଇଥିଲା। କିଛି ଆହତଙ୍କୁ ତାଳଚେର ମଧ୍ୟ ପଠାଯାଇଥିଲା।</p> <p>&lt;a href=&quot;http://odishareporter.in/wp-content/uploads/2018/05/OR-photo2018-05-19-08h31m08s236.jpg&quot;&gt;(image) &lt;/a&gt;ସ୍ଥାନୀୟ ବାସିନ୍ଦା ସଞ୍ଜୀବ ନାୟକ କହିଛନ୍ତି,&ldquo;ଆମେ ଖବର ପାଇ ଘଟଣାସ୍ଥଳକୁ ଆସିଥିଲୁ। ଭୁବନେଶ୍ୱରରୁ ରାଉରକେଲା ଯାଉଥିବା ଏହି ଦୁଇଟି ଯାକ ବସ୍&zwnj;ରେ ୭୦ରୁ ଅଧିକ ଯାତ୍ରୀ ଥିଲେ। ସେମାନେ ସମସ୍ତେ ସାମାନ୍ୟ ଆହତ ହୋଇଛନ୍ତି। ୪ଟି ଆମ୍ୱୁଲାନ୍ସ ଯୋଗେ ଆହତମାନଙ୍କୁ ତାଳଚେର ଓ ପରଜଙ୍ଗ ଡାକ୍ତରଖାନାକୁ ପଠାଯାଇଥିଲା।&rdquo;</p>