ବସ୍‌ରେ ବଦ୍‌ମାସୀ: ଯୁବତୀଙ୍କୁ ଏକୁଟିଆ ପାଇ …

<p>କେନ୍ଦୁଝର(ମାଣିକଲାଲ୍ ପାଣି): ଗନ୍ତବ୍ୟ ସ୍ଥଳକୁ ଯିବାକୁ ବସ୍&zwnj; ଛିଡା ହୋଇଥିଲା। ଏଥିରେ ଜଣେ ଯୁବତୀ ଚଢ଼ିଥିଲେ। ସେତେବେଳକୁ କେହି ଯାତ୍ରୀ ବସ୍&zwnj;ରେ ନଥିଲେ। ଏହାର ସୁଯୋଗ ନେଇ ବସ୍&zwnj; କଣ୍ଡକ୍ଟର ଜଣଙ୍କ ଯୁବତୀଙ୍କ ସହ ଅସଦାଚରଣ କରିବା ସହ ଦୁଷ୍କର୍ମ ଉଦ୍ୟମ କରିଥିଲେ। ଯୁବତୀ ଜଣଙ୍କ ଚିତ୍କାର କରିବାରୁ ଡ଼ରରେ ଛାଡି ଦେଇଥିଲେ। ଏପରି ଏକ ଅଭାବନୀୟ ଘଟଣା ଘଟିଛି ରାଜଧାନୀ ଭୁବନେଶ୍ୱରର ବରମୁଣ୍ଡା ବସ୍&zwnj;ଷ୍ଟାଣ୍ଡରେ।</p> <p>ଅଭିଯୋଗ ଅନୁସାରେ, ଯୁବତୀ ଜଣଙ୍କ କୌଣସି ସ୍ଥାନକୁ ଯିବାକୁ ବରମୁଣ୍ଡା ବସ୍&zwnj;ଷ୍ଟାଣ୍ଡରେ କେନ୍ଦୁଝର ଯାଉଥିବା &lsquo;ଆଲଭିନା&rsquo; ବସ୍&zwnj;ରେ ଚଢ଼ିଥିଲେ। ହେଲେ ବସ୍&zwnj;ରେ ଯୁବତୀଙ୍କୁ ଏକାକୀ ପାଇ କଣ୍ଡକ୍ଟର ଜଣଙ୍କ ଦୁଷ୍କର୍ମ ଉଦ୍ୟମ କରିଥିଲେ। ଯୁବତୀ ଚିତ୍କାର କରିବାକୁ ତାଙ୍କୁ ଛାଡି ଦେଇଥିଲେ। ହେଲେ ଯୁବତୀଙ୍କୁ ଖରାପ ଭାଷାରେ ଗାଳିଗୁଲଜ କରିବା ସହ ଟିକେଟ୍&zwnj; ଫେରାଇ ଦେଇ ବସ୍&zwnj;ରୁ ଓହ୍ଲାଇ ଯିବାକୁ କହିଥିଲେ। ଏହି ସମୟରେ ଅନ୍ୟ କିଛି ଯାତ୍ରୀ ଆସି ଯିବାରୁ କଣ୍ଡକ୍ଟର ଜଣଙ୍କ ଡରି ଯାଇଥିଲେ ଓ ଯୁବତୀଙ୍କୁ ବସ୍&zwnj;ରେ ନେଇକି ଯାଇଥିଲେ।</p> <p>&lt;span style=&quot;color: #ff0000;&quot;&gt;ଅଧାବାଟରେ ଛାଡି ଦେଲେ&lt;/span&gt;</p> <p>ଏତିକିରେ କଣ୍ଡକ୍ଟର ବାବୁଙ୍କ ଉତ୍ପାତ ସରି ନଥିଲା। ବାଟରେ ଯୁବତୀଙ୍କୁ&nbsp; କିଛି ନକହି ଚୁପ ରହିଥିଲେ। ହେଲେ ବସ୍&zwnj; କେନ୍ଦୁଝରରେ ପହଞ୍ଚିବା ଆଗରୁ ଅଧାବାଟରେ ଯୁବତୀଙ୍କୁ ଓହ୍ଲାଇ ଦେଇଥିଲେ। ଘରେ ପହଞ୍ଚି ଯୁବତୀ ଜଣଙ୍କ ପରିବାର ଲୋକଙ୍କୁ ସବୁ କହିବା ପରେ ଥାନାରେ ଏତଲା ଦିଆଯାଇଛି। ଅଭିଯୋଗ ପାଇବା ପରେ ପୋଲିସ୍&zwnj; ଏକ ମାମଲା ରୁଜୁ କରି ଘଟଣାର ତଦନ୍ତ ଆରମ୍ଭ କରିଛି।</p>