କ.ନୂଆଗାଁ (ଓଡ଼ିଶା ରିପୋର୍ଟର): ଆଳୁ ବୋଝେଇ ମାକ୍ସ ପିକ ଅପ ଭ୍ୟାନରେ ଗଞ୍ଜେଇ ଚାଲାଣ। ଭ୍ୟାନରୁ ଏକ କ୍ୱିଣ୍ଟାଲ ୨୫ କିଲୋ ଗଞ୍ଜେଇ ଜବତ ହେବା ସହ ୨ ଜଣକୁ ଗିରଫ କରିଛି କ.ନୂଆଗାଁ ପୁଲିସ୍। ଏହା ସହ ପୁଲିସ ଉକ୍ତ ମାକ୍ସ ଭ୍ୟାନକୁ ମଧ୍ୟ ଜବତ କରିଛି।
ମିଳିଥିବା ସୂଚନା ଅନୁଯାୟୀ, ବାଲିଗୁଡ଼ା ଅଞ୍ଚଳରୁ ପଶ୍ଚିମବଙ୍ଗର କୋଲକାତାକୁ ଗଞ୍ଜେଇ ଚୋରା ଚାଲାଣ ହେଉଥିବା ଖବର କ.ନୂଆଗାଁ ପୋଲିସକୁ ମିଳିବା ପରେ ପୁଲିସ ସମ୍ପୃକ୍ତ ଗାଡ଼ିକୁ ସିର୍ତ୍ତିଗୁଡା ନିକଟରୁ ସିଜ୍ କରିଥିଲା।
ଘଟଣା ସ୍ଥଳରୁ ୨ ଗଞ୍ଜେଇ ମାଫିଆ ଚମ୍ପଟ ମାରିଛନ୍ତି। ତେବେ ଗିରଫ ହୋଇଥିବା ଚତନ ଏସକେ, ଜୟନାଲ ଆନସାରି ନାମକ ଦୁଇ ଜଣ ମାଫିଆଙ୍କୁ ପୁଲିସ କୋର୍ଟ ଚାଲାଣ କରିଛି।