ଭୁବନେଶ୍ୱର(ଓଡ଼ିଶା ରିପୋର୍ଟର): ଗତ ରାତିରେ ଭୁବନେଶ୍ୱର ଉପକଣ୍ଠ ପୁରୀ କେନାଲରେ ଘଟି ଯାଇଛି ଏକ ମର୍ମନ୍ତୁଦ ଦୁର୍ଘଟଣଶ। ପୁରୀ କେନାଲକୁ ଏକ କାର୍ ଖସି ପ଼ଡିଥିବା ବେଳେ କାର୍ରେ ଥିବା ୨ ଜଣଙ୍କ ପତ୍ତା ମିଳିପାରିନି । ବୁଡି ଯାଇ ୨ ଯୁବକ ନିଖୋଜ ହୋଇଯାଇଥିବା ସୂଚନା ମିଳିଛି। ଗତକାଲି ମଧ୍ୟରାତ୍ରିରେ ବାଲିଅନ୍ତା ଥାନା ଅଟଳା ନିକଟରେ ଏହି ଘଟଣା ଘଟିଥିବା କୁହାଯାଉଛି ।
ମିଳିଥିବା ସୂଚନା ଅନୁସାରେ, ଗତକାଲି ମଧ୍ୟରାତିରେ ଦୁଇଟି କାର୍ ଶିବଶକ୍ତିନଗରକୁ ଯାଉଥିଲା । ତେବେ ପୁରୀ ମୁଖ୍ୟ କେନାଲରେ ଗୋଟିଏ କାର୍ ଭାରସାମ୍ୟ ହରାଇ ଖସିଯାଇଥିଲା । ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି କ୍ରେନ୍ ଯୋଗେ କେନାଲରୁ କାର୍ଟିକୁ ଉଠାଇଥିଲେ । ହେଲେ ଗାଡିରେ ଥିବା ଦୁଇ ଜଣଙ୍କ କୌଣସି ଖୋଜ୍ ଖବର ମିଳିନାହିଁ ।