ଟିଟୋ କେମିତି ପାଇଲା ପେଟ୍ରୋଲ୍ ପମ୍ପ୍‌? ହେବ ସିବିଆଇ ତଦନ୍ତ

<p>କେନ୍ଦ୍ରାପଡ଼ା (ଓଡ଼ିଶା ରିପୋର୍ଟର): ଗ୍ୟାଙ୍ଗଷ୍ଟର ଟିଟୋ କେମିତି ପେଟ୍ରୋଲ୍&zwnj; ପମ୍ପ୍ ବସାଇବାକୁ ଲାଇସେନ୍&zwnj;ସ୍&zwnj; ପାଇଲା? &nbsp;ସିବିଆଇ ଏନେଇ ତଦନ୍ତ କରିବ। ଅପରାଧିକ ପୃଷ୍ଠଭୂମି ଥିବା ଜଣେ ବ୍ୟକ୍ତି କେମିତି ପେଟ୍ରୋଲ୍&zwnj; ପମ୍ପ୍ ପାଇଲା ବୋଲି ପେଟ୍ରୋଲିୟମ୍ ଓ ପ୍ରାକୃତିକ ଗ୍ୟାସ୍ ମନ୍ତ୍ରଣାଳୟ ଆଇଓସିଏଲ୍&zwnj;କୁ ରିପୋର୍ଟ ମାଗିଥିଲା। ନିୟମ ଉଲ୍ଲଙ୍ଘନ କରି ଟିଟୋକୁ ପେଟ୍ରୋଲ୍ ପମ୍ପ୍ ଦିଆଯାଇଥିବା ଆଇଓସିଏଲ୍&zwnj; ନିଜସ୍ୱ ତଦନ୍ତରୁ ଜାଣିବାକୁ ପାଇଥିଲା।</p> <p>ମାମଲାର ଗୁରୁତ୍ୱ ଦୃଷ୍ଟିରୁ ସିବିଆଇକୁ ତଦନ୍ତ ଦାୟିତ୍ୱ ଦେବା ଲାଗି ପେଟ୍ରୋଲିୟମ୍&zwnj; ମନ୍ତ୍ରାଳୟ ଆଇଓସିଏଲ୍&zwnj;କୁ ପରାମର୍ଶ ଦେଇଥିଲା। ଏହା ପରେ ଆଇଓସିଏଲ୍&zwnj; ଏହି ଅନିୟମିତତା ନେଇ ସିବିଆଇ ତଦନ୍ତ ସୁପାରିସ କରିବା ସହ ଉପଯୁକ୍ତ କାର୍ଯ୍ୟାନୁଷ୍ଠାନ ଲାଗି ଅନୁରୋଧ କରିଛି। ଟିଟୋ ନାଁରେ କେନ୍ଦ୍ରାପଡ଼ା ବଡ଼ହାଟରେ ଏକ ପେଟ୍ରୋଲ୍&zwnj; ପମ୍ପ୍&zwnj; ରହିଥିବା ବେଳେ ପାରାଦ୍ୱୀପ ପୋର୍ଟ ଟ୍ରଷ୍ଟରେ ଥିବା କୋକୋ ପେଟ୍ରୋଲ୍&zwnj; ଟାଙ୍କିର ଆଡ୍&zwnj;ହକ୍&zwnj; ଡିଲର୍&zwnj;ଶିପ୍ ବି ତା ନାଁରେ ରହିଛି।</p> <p>ସୂଚନାଯୋଗ୍ୟ, ଜୁଲାଇ ୧ରେ ଗ୍ୟାଙ୍ଗଷ୍ଟର ଟିଟୋ ଓରଫ ସୟଦ୍&zwnj; ଉସ୍&zwnj;ମାନ ଅଲ୍ଲୀକୁ ଗିରଫ କରାଯାଇଥିଲା। ଗତକାଲି ଟିଟୋର ୪ ଜଣ ସହଯୋଗୀଙ୍କୁ କ୍ରାଇମ୍&zwnj;ବ୍ରାଞ୍ଚ୍&zwnj; ଗିରଫ କରିଛି।</p>