ଗୁରୁଙ୍କୁ ଭେଟି ଆଶୀର୍ବାଦ ନେଲେ ମନ୍ତ୍ରୀ ପ୍ରତାପ ଷଡ଼ଙ୍ଗୀ

<p>ନୀଳଗିରି(ଓଡ଼ିଶା ରିପୋର୍ଟର): ମନ୍ତ୍ରୀ ହେବା ପରେ ପ୍ରତାପ ଷଡ଼ଙ୍ଗୀ ଗତକାଲି ତାଙ୍କ ପିଲା ଦିନର ଗୁରୁ ତଥା ରାଜନୀତିରେ ପଥ ପ୍ରଦର୍ଶକ ତ୍ରିଲୋଚନ ସାହୁଙ୍କୁ ଭେଟିଥିଲେ। ସେ ତାଙ୍କ ଗୁରୁଙ୍କ ପାଦ ଛୁଇଁ&nbsp;ଆଶୀର୍ବାଦ ନେଇଥିଲେ। ଏହି ଅବସରରେ ଗୁରୁ ତ୍ରିଲୋଚନ ସାହୁ ତାଙ୍କ ଉଦ୍ଦେଶ୍ୟରେ ଲେଖିଥିବା ଏକ କବିତା ପଢ଼ି ଶୁଣାଇଥିଲେ।</p> <p>ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ସରକାରରେ ମନ୍ତ୍ରୀ ହେବା ପରେ ଗତକାଲି ପ୍ରତାପ ଷଡ଼ଙ୍ଗୀ ପ୍ରଥମ ଥର ପାଇଁ ନିଜ ନିର୍ବାଚନ ମଣ୍ଡଳୀ ବାଲେଶ୍ୱର ଗସ୍ତରେ ଆସିଥିଲେ। ଏଠାରେ ତାଙ୍କୁ ବିପୁଳ ସ୍ୱାଗତ ସମ୍ବର୍ଦ୍ଧନା ଦି&zwnj;ଆଯାଇଥିଲା।</p> <p>ପ୍ରତାପ ଷଡ଼ଙ୍ଗୀ ବାଲେଶ୍ୱରର କୁରୁଡ଼ା ନିକଟରେ ପହଞ୍ଚିବା ପରେ ସଦର ବିଧାୟକ ମଦନ ମୋହନ ଦତ୍ତ ଓ ବିଜେପି କର୍ମୀମାନେ ତାଙ୍କୁ ସ୍ୱାଗତ କରିଥିଲେ। ପରେ ଏକ ବିରାଟ ବାଇକ୍&zwnj; ଶୋଭାଯାତ୍ରାରେ ତାଙ୍କୁ ଗାନ୍ଧିସ୍ମୃତି ଭବନକୁ ନିଆଯାଇଥିଲା। ସେଠାରେ ତାଙ୍କୁ ସମ୍ବର୍ଦ୍ଧିତ କରାଯାଇଥିଲା। ବଡ଼ସାହି ଓ ନୀଳଗିରି ବିଧାୟକ ମଧ୍ୟ ଏହି ସମ୍ବର୍ଦ୍ଧନା କାର୍ଯ୍ୟକ୍ରମରେ ସାମିଲ ହୋଇଥିଲେ। ଅନ୍ୟପକ୍ଷରେ ବାଲେଶ୍ୱରବାସୀ ତାଙ୍କୁ ଜିତାଇଥିବାରୁ ଶ୍ରୀଷଡ଼ଙ୍ଗୀ ସେମାନଙ୍କୁ ଧନ୍ୟବାଦ ଜଣାଇଥିଲେ।</p> <p>(image)<br /> ନିଜ ନିର୍ବାଚନ ମଣ୍ଡଳୀକୁ ଗସ୍ତ କରିବା ଅବସରରେ ସେ କହିଥିଲେ,&ldquo;ବାଲେଶ୍ୱରର ପଞ୍ଚଲିଙ୍ଗେଶ୍ୱରରେ ପଥର ଶିଳ୍ପର ବିପୁଳ ସୁଯୋଗ ରହିଛି। ଏହାସହ ବାଲେଶ୍ୱରରେ ବୟନ ଶିଳ୍ପର ମଧ୍ୟ ବ୍ୟାପକ ସୁଯୋଗ ରହିଛି। ଯଦି ଆମେ ଖଦି ଓ ଗ୍ରାମ ଉଦ୍ୟୋଗକୁ ଆଗକୁ ନେଇପାରିବା, ତା&rsquo;ହେଲେ ଆମ ମା&rsquo;ଭଉଣୀଙ୍କୁ ରୋଜଗାରର ଏଭ ଭଲ ବାଟ ମିଳିଯିବ।&rdquo;</p> <p>ସୂଚନାଯୋଗ୍ୟ, ପ୍ରତାପ ଷଡ଼ଙ୍ଗୀଙ୍କୁ ମୋଦିଙ୍କ ମନ୍ତ୍ରିମଣ୍ଡଳରେ ରାଷ୍ଟ୍ରମନ୍ତ୍ରୀ ପାହ୍ୟା ମିଳିଛି। ତାଙ୍କୁ ଲଘୁ, କ୍ଷୁଦ୍ର ଓ ମଧ୍ୟମ ଉଦ୍ୟୋଗ (ଏମ୍&zwnj;ଏସ୍&zwnj;ଏମ୍&zwnj;ଇ) ସହିତ ପ୍ରାଣୀ ଓ ମତ୍ସ୍ୟ ସଂପଦ ମନ୍ତ୍ରଣାଳୟର ରାଷ୍ଟ୍ରମନ୍ତ୍ରୀ କରାଯାଇଛି।</p> <p>https://www.youtube.com/watch?v=dlBRRO_cILI</p>