ଠକି ଦେଲେ ସାଇବାବା !

<p>ବ୍ରହ୍ମଗିରି:ସାଈବାବା ସଂସ୍ଥାନ &nbsp;ନାମରେ ଠକେଇ ଅଭିଯୋଗ।&nbsp; ସାଇକୁଟୀର ଯୋଜନାରେ ଗୃହ ଯୋଗାଇ ଦେବାକୁ କହି ଲକ୍ଷ ଲକ୍ଷ ଟଙ୍କା ଚଳୁ। ପୁରୀ ଜିଲ୍ଲା ଅସ୍ତରଙ୍ଗ ରାଇବେରୁଆଁର ଖୋଲାଯାଇଥିବା&nbsp; ସାଇବାବା ସଂସ୍ଥାନ ଟ୍ରଷ୍ଟ ନାମରେ ଏମିତି ଅଭିଯୋଗ ଆସିଛି। ଧର୍ମ ସେବା ନାମରେ ପ୍ରଲୋଭନ କରି ଲୋକଙ୍କୁ ଠକାଯାଥିବା ଅଭିଯୋଗ ହୋଇଛି। ଏନେଇ ବ୍ରହ୍ମଗିରି ଥାନାରେ&nbsp; ଏତଲା ହୋଇଛି। ସୂଚନା ଅନୁଯାୟୀ ୨୦୧୩ରେ ଏହି ସଂସ୍ଥା ପକ୍ଷରୁ ପଲଙ୍କ ଗ୍ରାମରେ ନିଜର ଶାଖା କାର୍ଯ୍ୟାଳୟ ଖୋଲା ଯାଇଥିଲା। ଯାହାର ରେଜିଷ୍ଟ୍ରେଶନ ନମ୍ବର ହେଉଛି-୪୧୦୮୧୩୦୬୫୫୫। ଏହାର ନିର୍ଦ୍ଦେଶକ ହେଉଛନ୍ତି&nbsp; ଦୀପକ କୁମାର ବରାଡ଼।&nbsp; ତାଙ୍କ ଘର ନୟାଗଡ଼ରେ।</p> <p>ପ୍ରଥମେ ସାଈବାବାଙ୍କ ନାମରେ ପାଲିଙ୍କି ଯାତ୍ରା, ପ୍ରବଚନ ଏବଂ ବିଭିନ୍ନ ପ୍ରକାର ଧାର୍ମିକ କାର୍ଯ୍ୟ ଆୟୋଜନ କରାଗଲା। କ୍ରମେ ଏହି ସଂସ୍ଥା ସ୍ଥାନୀୟ ଲୋକଙ୍କ ଆସ୍ଥାଭାଜନ ହେବା ପରେ କିଛି ସ୍ଥାନୀୟ ବେକାର ଯୁବକ ଯୁବତୀଙ୍କୁ&nbsp; ନିଯୁକ୍ତି ବି ଦେଲା। ପରେ ସାଇକୁଟୀର ଯୋଜନାରେ ଗରିବ ଳୋକଙ୍କୁ ଗୃହ ନିର୍ମାଣ ପାଇଁ&nbsp; ଏକ ଲକ୍ଷ ଟଙ୍କା ସହାୟତା ପ୍ରଦାନ କରାଯିବ ବୋଲି କହି ଏଜେଣ୍ଟମାନଙ୍କ ଦ୍ୱାରା ହିତାଧିକାରୀ ଚୟନ କରାଗଲା।</p> <p>&amp;nbsp;</p> <p>ଏଥିପାଇଁ ସଦସ୍ୟତା ଲାଗି ୫ ହଜାର ଟଙ୍କା ସଂଗ୍ରହ କରାଗଲା।&nbsp; ପଲଙ୍କ ଗ୍ରାମରେ ୧୦୦ରୁ ଅଧିକ ଲୋକଙ୍କଠାରୁ ଟଙ୍କା ଆଦାୟ କରାଯାଇଥିବା ଗ୍ରାମବାସୀ କହିଛନ୍ତି।</p> <p>ସେହିପରି &nbsp;ଆଖପାଖ ଅଞ୍ଚଳରୁ ପ୍ରାୟ ୨୦ ଲକ୍ଷ ଟଙ୍କା ଆଦାୟ କରାଯାଇଥିଲା। ।&nbsp; ହେଲେ ଟଙ୍କା ଆଦାୟର ୩ ବର୍ଷ ପରେ ବି ଲୋକଙ୍କୁ ଟଙ୍କା କି ଘର କିଛି ମିଳିଳା ନାହିଁ। ତେଣୁ ବାଧ୍ୟ ହୋଇ&nbsp; ସ୍ଥାନୀୟ ଲୋକେ&nbsp; ବ୍ରହ୍ମଗିରି ଥାନାରେ ଅଭିଯୋଗ କରିଛନ୍ତି।</p>