ମୁମ୍ବାଇ ଟଲମ୍ୟାନ୍ ପୁସ୍ତକ ଲୋକାର୍ପଣ ଉତ୍ସବରେ ଚିଟ୍‌ଫଣ୍ଡ ଅଭିଯୁକ୍ତ

<p>ଭୁବନେଶ୍ୱର(ଓଡିଶା ରିପୋର୍ଟର): ପୁଣି ବିଜେଡି ନେତାମନ୍ତ୍ରୀଙ୍କ ଗହଣରେ ଚିଟ୍&zwnj;ଫଣ୍ଡ୍ ଅଭିଯୁକ୍ତ । ବିଜେଡି ପକ୍ଷରୁ &lsquo;The Tall Man, Biju Pattnaik&rsquo; ପୁସ୍ତକର ମୁମ୍ବାଇରେ ଅନୁଷ୍ଠିତ ଲୋକାର୍ପଣ ଉତ୍ସବରେ ଦେଖିବାକୁ ମିଳିଛି ଅଭାବନୀୟ ଘଟଣା। ପୁସ୍ତକ ପ୍ରେଜେଣ୍ଟେସନ ସେରିମନିରେ ସି-ସୋର ମାମଲାରେ&nbsp; ସିବିଆଇ ଦ୍ୱାରା ଜେରା ହୋଇଥିବା ଅଭିଯୁକ୍ତ ବିପିନ ବିହାରୀ ମିଶ୍ରଙ୍କ ଉପସ୍ଥିତିକୁ ନେଇ ବିବାଦ&nbsp; ଦେଖାଦେଇଛି। ମୁଖ୍ୟମନ୍ତ୍ରୀଙ୍କ ଏହି ସଭାର ଆଗ ଧାଡିରେ ମନ୍ତ୍ରୀ ପ୍ରତାପ ଦେବ ଓ ବିଜେଡି&nbsp; ମୁଖପାତ୍ର ଦେବାଶିଷ ସାମନ୍ତରାୟଙ୍କ ମଝିରେ ବସିଥିଲେ ବିପିନ୍ । ସି- ସୋରଠାରୁ ଟଙ୍କା ନେବା ଅଭିଯୋଗରେ ସିବିଆଇ ବିପିନଙ୍କୁ ଦୁଇ ଦୁଇ ଥର&nbsp; ଜେରା କରିଥିଲା ତେବେ ବିଜେଡି ପାଓ୍ୱାର କରିଡରରେ ତାଙ୍କ ଉପସ୍ଥିତି ଓ&nbsp; ଗୁରୁତ୍ୱକୁ ନେଇ ଏବେ ପ୍ରଶ୍ନ ଉଠିଛି ।</p> <p>ମୁମ୍ବାଇରେ ଆୟୋଜିତ ଉତ୍ସବରେ ଗୋଟିଏ ପଟେ ମନ୍ତ୍ରୀ ପ୍ରତାପ ଜେନା, ଅନ୍ୟପଟେ ବିଜେଡି ମୁଖପାତ୍ର&nbsp; ଦେବାଶିଷ ସାମନ୍ତରାୟ ବସିଥିବା ବେଳେ ମଝିରେ ଥିଲେ ସିସୋର ଚିଟ୍&zwnj;ଫଣ୍ଡ ଠକେଇ &nbsp;ମାମଲାରେ ଅଭିଯୁକ୍ତ ବିପିନ୍ । ସେ କେବଳ ସଭାର ଆଗ ଧାଡିରେ ବସିଥିଲେ ତାନୁହେଁ, ମୁଖ୍ୟମନ୍ତ୍ରୀଙ୍କୁ ସଭାକୁ&nbsp; ସ୍ୱାଗତ ମଧ୍ୟ କରିଥିଲେ । ଏପଟେ ପୁସ୍ତକ ପ୍ରେଜେଣ୍ଟେସନ ସେରିମନିକୁ ନେଇ&nbsp; ମୁଖ୍ୟମନ୍ତ୍ରୀ ଯେଉଁ ଫଟୋ ଟୁଇଟ୍ କରିଛନ୍ତି ସେଥିରେ ମଧ୍ୟ ଅଛନ୍ତି ବିପିନ୍ । ତେଣୁ&nbsp; ମିଡିଲମ୍ୟାନ୍ ଶୁଭଙ୍କରଙ୍କ ପରେ ବିପିନଙ୍କୁ ନେଇ ଉଠିଛି ପ୍ରଶ୍ନ । ତାଙ୍କୁ ପୁସ୍ତକ ପ୍ରେଜେଣ୍ଟେସନ ସେରିମନିକୁ&nbsp; କିଏ ଆମନ୍ତ୍ରଣ କରିଥିଲେ ନା ସେ ନିଜେ ଏହି ଉତ୍ସବର ଆୟୋଜକ ଥିଲେ ତାହାକୁ ନେଇ ଉଠିଛି ପ୍ରଶ୍ନ।</p> <p>ସୂଚନାଯୋଗ୍ୟ, ମୁମ୍ବାଇରେ ସୂର୍ଯ୍ୟକ୍ଷେତ୍ର ନାମକ ଏକ ସ୍ୱେଚ୍ଛାସେବୀ ସଂଗଠନ&nbsp; ଚଳାଉଛନ୍ତି ବିପିନ । ସି-ସୋରଠାରୁ ଟଙ୍କା ନେବା ଅଭିଯୋଗରେ ତାଙ୍କୁ ଦୁଇ&nbsp; ଦୁଇ ଥର ଜେରା କରିଥିଲା ସିବିଆଇ । ତେଣୁ ମୁଖ୍ୟମନ୍ତ୍ରୀଙ୍କ ସଭାର ଆଗ&nbsp; ଧାଡିରେ ମନ୍ତ୍ରୀ ଓ ମୁଖପାତ୍ରଙ୍କ ଗହଣରେ ତାଙ୍କ ଉପସ୍ଥିତିକୁ ନେଇ ପ୍ରଶ୍ନ ଉଠିବା&nbsp; ସ୍ୱାଭାବିକ ।</p>