ଭୁବନେଶ୍ୱର (ଓଡ଼ିଶା ରିପୋର୍ଟର): ବିଜେପୁର ଉପ-ନିର୍ବାଚନ ପାଇଁ ଏପର୍ଯ୍ୟନ୍ତ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଦଳୀୟ ପ୍ରାର୍ଥୀଙ୍କ ପାଇଁ ପ୍ରଚାର କରିବାକୁ ଯାଇନାହାଁନ୍ତି। ସେ ୨୦ ଓ ୨୧ ତାରିଖରେ ସେଠାରେ ପ୍ରଚାର କରିବେ।
ନବୀନ ୨୦ ତାରିଖରେ ବରପାଲି, କୁମ୍ଭାରୀ ଓ ଅଗଲପୁର ଆଦି ସ୍ଥାନରେ ପ୍ରଚାର କରିବେ। ସେଦିନ ପ୍ରଚାର ସରିବା ପରେ ବରଗଡ଼ ସର୍କିଟ୍ ହାଉସ୍ରେ ରାତ୍ରିଯାପନ କରିବେ। ତା’ପରଦିନ ମୁଖ୍ୟମନ୍ତ୍ରୀ ଗାଇସିଲାଟ ଓ ବିଜେପୁରରେ ନିର୍ବାଚନ ପ୍ରଚାର କରିବେ।
ମୁଖ୍ୟମନ୍ତ୍ରୀ ୧୯ ତାରିଖରେ ପ୍ରଚାର କରିବାକୁ ଯାଇଥାଆନ୍ତେ। ତେବେ ଗତକାଲି ତାଙ୍କ ବିଜେପୁର ଗସ୍ତ କାର୍ଯ୍ୟକ୍ରମରେ ପରିବର୍ତ୍ତନ କରାଯାଇଥିଲା।
ସୂଚନାଯୋଗ୍ୟ, ବିଜେପୁର ଉପ-ନିର୍ବାଚନ ପାଇଁ ବିଜେଡି ରୀତା ସାହୁଙ୍କୁ ପ୍ରାର୍ଥୀ କରିଛି। ୨୪ ତାରିଖରେ ଏଠି ଭୋଟ୍ ଗ୍ରହଣ ହେବ।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
