ଭୁବନେଶ୍ୱର (ଓଡ଼ିଶା ରିପୋର୍ଟର): ବିବାହ ଓ ଅନ୍ତ୍ୟେଷ୍ଟି ପାଇଁ ଅନୁମତି ନିମନ୍ତେ ଆଉ ଥାନାକୁ ଦୌଡ଼ିବାକୁ ପଡ଼ିବନି। କରୋନା ମହାମାରୀ ସମୟରେ ଗହଳି ରୋକିବାକୁ ଭୁବନେଶ୍ୱର-କଟକ କମିଶନରେଟ ପୁଲିସ ଆଜିଠୁ ଲାଗୁ କରିଛି ଇ-ଲାଇସେନ୍ସ ବ୍ୟବସ୍ଥା।
ଭୁବନେଶ୍ୱରରେ ବିବାହ, ଅନ୍ତ୍ୟେଷ୍ଟି ଆଦି କାର୍ଯ୍ୟ ସମ୍ପାଦାନ ନିମନ୍ତେ ଜନସାଧାରଣଙ୍କୁ ଏଣିକି ଅନଲାଇନରେ ମିଳିବ ଅନୁମତି। କମିଶନରେଟ୍ ପୁଲିସ ପକ୍ଷରୁ ଏନେଇ ଆଜି ଆରମ୍ଭ କରାଯାଇଛି ଇ-ଲାଇସେନ୍ସ ବ୍ୟବସ୍ଥା।
କମିଶନରେଟ୍ ପୁଲିସ୍ର ଅଫିସିଆଲ୍ ୱେବସାଇଟରେ ଏନେଇ ଆବେଦନ କରିବାକୁ ପଡ଼ିବ। ୭୨ ଘଣ୍ଟା ପୂର୍ବରୁ ଏଥିପାଇଁ ଆବେଦନ କରି ଆବଶ୍ୟକ ସୂଚନା ପୂରଣ କରିବାକୁ ପଡ଼ିବ। ଆବେଦନ ମଞ୍ଜୁର ହେବା ପରେ ମୋବାଇଲକୁ ଆସିବ SMS। ଏହାକୁ ଇ-ପରମିସନ୍ ଭାବେ ବ୍ୟବହାର କରାଯାଇପାରିବ।
ତେବେ ପ୍ରାରମ୍ଭିକ ପର୍ଯ୍ୟାୟରେ ଏହା ଭୁବନେଶ୍ୱରରେ ଲାଗୁୁ ହୋଇଥିବାବେଳେ ପରବର୍ତ୍ତୀ ସମୟରେ କଟକ ପାଇଁ ଏହି ବ୍ୟବସ୍ଥା ଲାଗୁ ହେବ ବୋଲି କମିଶନରେଟ ପୁଲିସ ପକ୍ଷରୁ କୁହାଯାଇଛି।
e-Police License service for getting permission for marriage function and funeral has been started by Commissinerate Police BBSR-CTC. @cpbbsrctc @odisha_police @DGPOdisha pic.twitter.com/cHSEe8zGEA
— DCP Bhubaneswar (@dcpbbsr) May 17, 2021