ଚକଡ଼ା ପୋକ ଆକ୍ରମଣ ପ୍ରାକୃତିକ ବିପର୍ଯ୍ୟୟ: ରିଲିଫ କୋଡ ଅନୁସାରେ କ୍ଷତିଗ୍ରସ୍ତ ଚାଷୀଙ୍କୁ ମିଳିବ ସହାୟତା

ଭୁବନେଶ୍ୱର(ଓଡିଶା ରିପୋର୍ଟର): ଚାଷରେ ରୋଗପୋକ ଲାଗିବା ଏକ ପ୍ରାକୃତିକ ବିପତ୍ତି । ଏଣୁ କ୍ଷତିଗ୍ରସ୍ତ ଚାଷୀଙ୍କୁ ରିଲିଫ କୋଡ ଅନୁସାରେ ସହାୟତା ମିଳିବ ବୋଲି କହିଛନ୍ତି ଉନ୍ନୟନ କମିଶନର୍ ଆର୍. ବାଲକ୍ରିଷ୍ଣନ । ରାଜ୍ୟର ଅନେକ ସ୍ଥାନରେ ଧାନ ଚାଷରେ ଚକଡ଼ା ଲାଗି ପରିସ୍ଥିତି ଗୁରୁତର ହେବାରୁ ବାଲକ୍ରିଷ୍ଣନ ଆଜି ପ୍ରଭାବିତ ଜିଲ୍ଲାର ଜିଲ୍ଲାପାଳ, କୃଷି ଅଧିକାରୀଙ୍କ ଓ ଜିଲ୍ଲାସ୍ତରୀୟ କୃଷି ଅଧିକାରୀଙ୍କ ସହିତ ଭିଡିଓ କନ୍ଫରେସିଂ ମାଧ୍ୟମରେ ଆଲୋଚନା କରିଥିଲେ । ଏହାପରେ ସେ କହିଛନ୍ତି କୃଷି ଓ ରାଜସ୍ୱ ବିଭାଗ ମିଳିତ ତଦନ୍ତ ପରେ କ୍ଷତିଗ୍ରସ୍ତ ଚାଷୀଙ୍କୁ ସହାୟତା ଦିଆଯିବ । କ୍ଷତିଗ୍ରସ୍ତ ଚାଷୀଙ୍କୁ ବ୍ୟକ୍ତିଗତ ଭାବେ କ୍ଷତିପୂରଣ ମିଳିବ ବୋଲ ଘୋଷଣା କରାଯାଇଛି।