ଭୁବନେଶ୍ୱର(ଓଡ଼ିଶା ରିପୋର୍ଟର): ବର୍ତ୍ତମାନ ସୁଦ୍ଧା ଶେଷ ହୋଇଥିବା ନିର୍ବାଚନରେ କଂଗ୍ରେସ ଅଧାରୁ ଅଧିକ ସିଟ୍ ହାତେଇବ। କଂଗ୍ରେସ ପକ୍ଷରୁ କରାଯାଇଥିବା ଅନ୍ତରୀଣ ସର୍ଭେରୁ ଏହା ସ୍ପଷ୍ଟ ହୋଇଛି। ଏପରି ଭବିଷ୍ୟବାଣୀ କରିଛନ୍ତି ବରିଷ୍ଠ କଂଗ୍ରେସ ନେତା ତାରା ପ୍ରସାଦ ବାହିନୀପତି।
ସେ କହିଛନ୍ତି-“ଏଥର ନିର୍ବାଚନରେ ରାଜ୍ୟରେ କୌଣସି ଦଳ ସଂଖ୍ୟା ଗରିଷ୍ଠତା ପାଇବ ନାହିଁ। କେହି ଏକୁଟିଆ ସରକାର କରି ପାରିବେ ନାହିଁ। ରାଜ୍ୟରେ ବିଜେପି ଓ ବିଜେଡି ମିଶି ସରକାର ଗଢ଼ିବେ। କାରଣ ପୂର୍ବରୁ ୯ ବର୍ଷ ଏମାନେ ଏକାଠି ସରକାର କରିଥିଲେ।”
ତେବେ ଅନ୍ୟ ଦଳ ଅପେକ୍ଷା କଂଗ୍ରେସର ପ୍ରଚାର ପ୍ରସାର କମିଛି। ନିର୍ବାଚନୀ ମାହୋଲ ବନାଇବାରେ କଂଗ୍ରେସ ପଛରେ ରହିଥିବା ତାରା ସ୍ୱୀକାର କରିଛନ୍ତି। ତେବେ କାହିଁକି କଂଗ୍ରେସ ପଛରେ ରହିଲା ତା’ର ଉତ୍ତର ପିସିସି ସଭାପତି ଦେବେ ବୋଲି ତାରା କହିଛନ୍ତି।