କଂଗ୍ରେସ କର୍ମୀଙ୍କ ଦାଦାଗିରି! ଛାତ୍ରଙ୍କୁ ଅଟକାଇ ପିଟିଲେ

<p>କଟକ (ଓଡ଼ିଶା ରିପୋର୍ଟର): କଟକରେ କଂଗ୍ରେସ କର୍ମୀଙ୍କ ଦାଦାଗିରି। ଜଣେ ଛାତ୍ର କଲେଜରୁ ଘରକୁ ଫେରୁଥିବା ବେଳେ ତାଙ୍କୁ ମାଡ଼ ହୋଇଛି। କଂଗ୍ରେସ କର୍ମୀମାନେ ମାଡ଼ ମାରିଥିବା ଛାତ୍ର ଜଣକ ମଧୁପାଟଣା ଥାନାରେ ଅଭିଯୋଗ କରିଛନ୍ତି।</p> <p>ତୈଳ ଦର ବୃଦ୍ଧି ପ୍ରତିବାଦରେ କଂଗ୍ରେସ ଆଜି କଟକ-ଭୁବନେଶ୍ୱରରେ ୬ ଘଣ୍ଟିଆ ବନ୍ଦ ଡାକରା ଦେଇଥିଲା। ବନ୍ଦକୁ ଶାନ୍ତିପୂର୍ଣ୍ଣ ଭାବେ କରିବାକୁ ପୂର୍ବରୁ ଘୋଷଣା କରାଯାଇଥିଲା। ମାତ୍ର କଟକରେ ଏହା ଓଲଟା ଦେଖିବାକୁ ମିଳିଛି। ଆଜି ସକାଳେ ରଞ୍ଜନ ସ୍ୱାଇଁ ନାମକ ଜଣେ ଛାତ୍ର ଖପୁରିଆ ସରକାରୀ ଆଇଟିଆ କଲେଜକୁ ଯାଇଥିଲେ। ଘରୁ ଡାକରା ପାଇ ଫେରୁଥିବା ବେଳେ କିଛି କଂଗ୍ରେସ ବାଇକକୁ ଧକ୍କା ଦେଇଥିଲେ। ପରେ ତାଙ୍କ ସାର୍ଟ କଲର ଧରି ମାଡ଼ ମାରିଥିବା ଅଭିଯୋଗ ହୋଇଛି। ଛାତ୍ର ଜଣକ ତଳେ ପଡ଼ିଯାଇ ତାଙ୍କ ମୁଣ୍ଡରେ ଆଘାତ ଲାଗିଛି।</p> <p>ଡିଜେଲ ଓ ପେଟ୍ରୋଲ ଦର ବୃଦ୍ଧି ପ୍ରତିବାଦରେ କଂଗ୍ରେସର ବନ୍ଦ ଡାକରା ଯୋଗୁଁ ଜାତାୟତ ଏକ ରକମର ଠପ୍&zwnj; ହୋଇଯାଇଛି। ଭୁବନେଶ୍ୱର ବାଣୀବିହାର ଛକରେ କଂଗ୍ରେସ କର୍ମୀଙ୍କ ରାସ୍ତରୋକ ଯୋଗୁଁ ବରମୁଣ୍ଡ ବସ୍&zwnj;ଷ୍ଟାଣ୍ଡରୁ କୌଣସି ଗାଡ଼ି ବାହାରି ପାରୁନାହିଁ। ଗାଡ଼ି ଗୁଡ଼ିକ ଏନ୍&zwnj;ଏଚ୍&zwnj; ଉପରେ ଛିଡ଼ା ହୋଇଛି। ସେହିପରି ଉତ୍ତରା ଛକରେ କର୍ମୀଙ୍କ ରାସ୍ତା ଅବରୋଧ ଯୋଗୁଁ ଭୁବନେଶ୍ୱରରୁ ପୁରୀକୁ କୌଣସି ଗାଡ଼ି ଯାଇପାରୁନାହିଁ। ଶ୍ରୀଜଗନ୍ନାଥଙ୍କୁ ଦର୍ଶନ କରିବା ପାଇଁ ଯାଉଥିବା ଭକ୍ତମାନେ ଖରାରେ ସିଝୁଛନ୍ତି।</p>