ଦେବଦୂତ ସାଜିଲେ କନ୍‌ଷ୍ଟେବଳ, ଟ୍ରେନ୍‌ ଯାତ୍ରୀଙ୍କ ଜୀବନ ବଞ୍ଚାଇଦେଲେ

<p>ଭୁବନେଶ୍ୱର (ଓଡ଼ିଶା ରିପୋର୍ଟର): ଟ୍ରେନ୍&zwnj;କୁ ଅପେକ୍ଷା କରିଥିଲେ ଜଣେ ଯାତ୍ରୀ। ହଠାତ ଛାତିରେ ଯନ୍ତ୍ରଣା ହେବାରୁ ତଳେ ପଡ଼ି ଯାଇଥିଲେ। ଅଫିସ୍&zwnj;ରୁ ଡ୍ୟୁଟି ସାରି ଫେରୁଥିବା ଜଣେ ଜିଆର୍&zwnj;ପି କନ୍&zwnj;ଷ୍ଟେବଳଙ୍କ ଉପସ୍ଥିତ ବୁଦ୍ଧି ଯୋଗୁ ଯାତ୍ରୀଙ୍କ ଜୀବନ ବଞ୍ଚି ଯାଇଛି। ଏହି ଘଟଣା ଭାଇରାଲ୍&zwnj; ହେବା ପରେ ରେଳବାଇ ଏଡିଜି ପ୍ରାଣବିନ୍ଦୁ ଆଚାର୍ଯ୍ୟ ତାଙ୍କୁ ପୁରସ୍କୃତ କରିଛନ୍ତି।</p> <p>ପୂରା ଘଟଣା ଏମିତି। ଟ୍ରେନ୍&zwnj;ରେ ଯିବା ପାଇଁ ଜଣେ ଯାତ୍ରୀ ଭୁବନେଶ୍ୱର ରେଳ ଷ୍ଟେସନରେ ଅପେକ୍ଷା କରିଥିଲେ। ଏହି ସମୟରେ ତାଙ୍କ ଛାତିରେ ଅସହ୍ୟ ଯନ୍ତ୍ରଣା ହୋଇଥିଲା। ତେଣୁ ସେ ସଙ୍ଗେ ସଙ୍ଗେ ସଂଜ୍ଞା ହରାଇ ପଡ଼ି ଯାଇଥିଲେ।</p> <p>(image) ଏହି ସମୟରେ ଡ୍ୟୁଟି ସାରି ଅଫିସରୁ ଫେରୁଥିଲେ ଜିଆର୍&zwnj;ପି କନ୍&zwnj;ଷ୍ଟେବଳ ବଳରାମ ସିଂହ। ସଂଜ୍ଞାହୀନ ଅବସ୍ଥାରେ ପଡ଼ିଥିବା ଯାତ୍ରୀଙ୍କୁ ଦେଖି ତାଙ୍କ ଚେତା ଫେରାଇ ଆଣିବା ପାଇଁ ଚେଷ୍ଟା କରିଥିଲେ ବଳରାମ। ପ୍ରାୟ ୧୦ ମିନିଟ ଯାଏ ଆଶୁ ଚିକିତ୍ସା ଯୋଗାଇ ଦେଇଥିଲେ।</p> <p>ବଳରାମ କେତେବେଳେ ଅଚେତ ବ୍ୟକ୍ତିଙ୍କ ଛାତିରେ ଚାପ ପ୍ରୟୋଗ କରୁଥିଲେ ତ ପୁଣି ଆଉ କେତେବେଳେ ଛାତିକୁ ମାଲିସ୍&zwnj; କରୁଥିଲେ। ଶେଷରେ ସଂଜ୍ଞାହୀନ ହୋଇପଡିଥିବା ଟ୍ରେନ ଯାତ୍ରୀଙ୍କ ଚେତା ଫେରିଥିଲା। ପରେ ତାଙ୍କୁ ଆମ୍ବଲାନ୍ସରେ ହସ୍ପିଟାଲରେ ଭର୍ତ୍ତି କରାଯାଇଥିଲା। ଏହି ଘଟଣାର ଭିଡିଓ ଭାଇରାଲ ହେବା ପରେ ଜିଆର୍&zwnj;ପି କନେଷ୍ଟବଳ ତାଙ୍କ ସମୟୋପଯୋଗୀ ଓ ନିସ୍ୱାର୍ଥପର ସେବା ପାଇଁ ଚର୍ଚ୍ଚାକୁ ଆସିଛନ୍ତି।</p> <p>କନେଷ୍ଟବଳଙ୍କ ସେବା ମନୋଭାବ ସହ ଉପସ୍ଥିତ ବୁଦ୍ଧି ଓ ଟ୍ରେନିଂର ସଦ୍&zwnj;ବିନିଯୋଗ ପାଇଁ ତାଙ୍କୁ ପୁରସ୍କୃତ କରାଯାଇଛି। ରେଳବାଇ ଏଡିଜି ପ୍ରାଣବିନ୍ଦୁ ଆଚାର୍ଯ୍ୟ ତାଙ୍କୁ ଧନ୍ୟବାଦ ଦେବା ସହିତ ପ୍ରଶଂସା କରିଛନ୍ତି। ଏଥିପାଇଁ ସେ କନ୍&zwnj;ଷ୍ଟେବଳ ବଳରାମଙ୍କୁ ଏକ ହଜାର ଟଙ୍କା ପୁରସ୍କାର ଦେଇଛନ୍ତି। ବଳରାମଙ୍କ ଭଳି ସମସ୍ତେ ସହାୟତା ଅପେକ୍ଷାରେ ଥିବା ଲୋକଙ୍କୁ ତୁରନ୍ତ ସେବା ଯୋଗାଇ ଦେବାକୁ ଶ୍ରୀ ଆଚାର୍ଯ୍ୟ ପରାମର୍ଶ ଦେଇଛନ୍ତି।</p> <p>https://youtu.be/CrKUDnb8zE0</p>