ରାୟଗଡ଼ା(ମନୋଜ ପାତ୍ର): ରାୟଗଡ଼ା ଆର୍ଏସି ମଣ୍ଡିରେ କପା କିଣିବା ଅବ୍ୟବସ୍ଥାକୁ ନେଇ ଚାଷୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି। ତିନି ଦିନ ହେବ ଚାଷୀମାନେ ସେମାନଙ୍କ ଉତ୍ପାଦିତ କପା ଆଣି ମଣ୍ଡିରେ ରଖିଥିଲେ ମଧ୍ୟ ଆରଏମସି କିମ୍ୱା ସିସିଆଇ(କଟନ୍ କର୍ପୋରେସନ ଅଫ୍ ଇଣ୍ଡିଆ) କପା କିଣୁ ନଥିବା ଅଭିଯୋଗ ହେଉଛି।
ଯଦ୍ୱାରା ରାୟଗଡ଼ା ଆରଏମ୍ସି ମଣ୍ଡିରେ କପା ପଡ଼ି ରହିଛି। ଦୂରଦୂରାନ୍ତରକୁ ଆସିଥିବା ଚାଷୀମାନେ ଖରା ଶୀତରେ ପଡ଼ି ରହିଥିଲେ ମଧ୍ୟ କେହି କିଣିବା ପାଇଁ ଆସୁ ନାହାନ୍ତି। ଫଳରେ ପ୍ରତିଦିନ ଚାଷୀଙ୍କୁ ଗାଡ଼ି ଭଡ଼ା ଦେବା ସହ ଅଧିକ ଖର୍ଚ୍ଚାନ୍ତ ହେବାକୁ ପଡ଼ୁଛି। 
ଏହା ସାଙ୍ଗକୁ ଅଦିନିଆ ବର୍ଷା ଯୋଗୁ ମଣ୍ଡିରେ ଥିବା କପା ଭିଜି ଯାଇଛି। କପା ରଖିବା ପାଇଁ ଆବଶ୍ୟକୀୟ ଜାଗା ଅଭାବ ଦର୍ଶାଇ କପା କିଣିବା ପାଇଁ ଆର୍ଏମ୍ସି ଟାଳଟୁଳି ନୀତି ଅବଲମ୍ୱନ କରୁଥିବା ଚାଷୀ କହିଛନ୍ତି। ଅନ୍ୟପକ୍ଷରେ କପା କିଣା ସମସ୍ୟାକୁ ନେଇ ସିସିଆର ଉପରେ ଆର୍ଏସି ଦୋଷ ଲଦି ଦେଇଛି। ସିସିଆଇ କପା କିଣୁଥିବା ବେଳେ ମିଲରଙ୍କ ଗୋଦାମରେ ଜାଗା ଅଭାବରୁ ଏଭଳି ଅବସ୍ଥା ଉପୁଜିଥିବା ଆର୍ଏମ୍ସି ସେକ୍ରେଟାରୀ କହିଛନ୍ତି।
ପଢନ୍ତୁ ଓଡ଼ିଶା ରିପୋର୍ଟର ଖବର ଏବେ ଟେଲିଗ୍ରାମ୍ ରେ। ସମସ୍ତ ବଡ ଖବର ପାଇବା ପାଇଁ ଏଠାରେ କ୍ଲିକ୍ କରନ୍ତୁ।
Related Stories
