ଭଞ୍ଜନଗର (ରାଜେଶ କୁମାର ପଣ୍ଡା): କାଜୁ ବଗିଚାରେ ରହୁଥିବା ବୃଦ୍ଧ ଦମ୍ପତିଙ୍କ ଅତି ବିଭତ୍ସ ଭାବେ ମର୍ଡର କରାଯାଇଛି। ସେମାନଙ୍କୁ କିଏ ଓ କଣ ପାଇଁ ହତ୍ୟା କଲା, ତାହା ଜଣାପଡ଼ି ନାହିଁ। ପୁଲିସ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ଏପରି ହୃଦୟବିଦାରକ ଘଟଣା ଗଞ୍ଜାମ ଜିଲ୍ଲାରେ ଘଟିଛି।
ଜଗନ୍ନାଥପ୍ରସାଦ ଥାନା ଶିଶୁଣ୍ଡା ଗ୍ରାମ କାଜୁ ଜଙ୍ଗଲରେ ଭୀମ ପ୍ରଧାନ ଓ ତାଙ୍କ ପତ୍ନୀ ଶିଶୁଳା ପ୍ରଧାନ ଦୀର୍ଘ ଦିନ ଧରି ରହୁଥିଲେ। ଆଜି ସକାଳେ ରକ୍ତ ଜୁଡୁବୁଡୁ ଅବସ୍ଥାରେ ପଡ଼ିଥିବା ସ୍ଥାନୀୟ ଲୋକେ ଦେଖିବାକୁ ପାଇଥିଲେ। ପାରେ ଏନେଇ ପୁଲିସକୁ ଖବର ଦେଇଥିଲେ। ପୁଲିସ ମୃତଦେହ ଜବତ କରି ଘଟଣାର ତଦନ୍ତ ଆରମ୍ଭ କରିଛି। ହେଲେ କିଏ କାହିଁକି ସେମାନଙ୍କୁ ମର୍ଡର କରିଛି, ତାହା ଏପର୍ଯ୍ୟନ୍ତ ଜଣାପଡ଼ି ନାହିଁ।
ସ୍ଥାନୀୟ ଲୋକଙ୍କ କହିବା ଅନୁସାରେ କିଛିଦିନ ତଳେ ମୃତ ଦମ୍ପତିଙ୍କ ପାଖକୁ ସେମାନଙ୍କ ପୁଅ ଓ ବୋହୂ ଆସିଥିଲେ।