ଢେଙ୍କାନାଳ(ରାଜଶ୍ରୀ ଶତପଥି): ଢେଙ୍କାନାଳ ସଦର ରେଞ୍ଜ କାଟେଣୀ କାଜୁ ଜଙ୍ଗଲ ନିକଟରେ ଦମ୍ପତିଙ୍କୁ ହାତୀପଲ ଦଳି ଦେଇଛନ୍ତି। ମୃତକ ହେଲେ ଡମ୍ବରୁ ପ୍ରଧାନ ଓ ସୁକାନ୍ତି ପ୍ରଧାନ।
ଡମ୍ବରୁ ଓ ସୁକାନ୍ତି ଗତକାଲି ରାତିରେ ନିକଟସ୍ଥ ଦୁଧୁକାଟେଣୀକୁ ଯାତ୍ରା ଦେଖିବାକୁ ଯାଇଥିଲେ। ଯାତ୍ରା ଦେଖି ସାରି ଆଜି ଭୋରରୁ ନିଜ ଗାଁ ଚାଉଳିଆକୁ ବାଇକ୍ ଯୋଗେ ଫେରିବା ବେଳେ କାଟେଣୀ କାଜୁ ଜଙ୍ଗଲ ନିକଟରେ ହାତୀପଲ ହାବୁଡ଼ରେ ପଡ଼ିଯାଇଥିଲେ। ଘଟଣାସ୍ଥଳରେ ସୁକାନ୍ତିଙ୍କ ମୃତ୍ୟୁ ହୋଇଥିଲା। ଡମ୍ବରୁଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଥିଲା। ସେଠାରେ ତାଙ୍କର ଚିକିତ୍ସାଧୀନ ଅବସ୍ଥାରେ ମୃତ୍ୟୁ ହୋଇଥିଲା। ।